Kecha, 4-may kuni O‘zbekiston futbol federatsiya hamda O‘zbekiston Milliy olimpiya qo‘mitasi prezidenti Mirabror Usmonov “Ardus” va “Do‘stlik-AIN” jamoalari o‘rtasida kechgan yarim final uchrashuvini tomosha qilish uchun “O‘zbekiston” sport majmuasiga tashrif buyurdi. “Ardus”ning 7:2 hisobidagi g‘alabasi bilan yakunlangan o‘yindan so‘ng, Mirabror Usmonov “Sport” telekanaliga intervyu berdi. Bu haqda O‘zbekiston futbol federatsiyasi matbuot xizmati xabar bermoqda .
Foto: O‘FF matbuot xizmati
“Futzal bo‘yicha O‘zbekiston terma jamoasining jahon chempionatiga yo‘llanmani qo‘lga kiritishi o‘z-o‘zidan bo‘lgani yo‘q. Bu yutuqning ortida eng avvalo hukumatimizning sportni rivojlantirishga ko‘rsatayotgan g‘amxo‘rligi, O‘zbekiston futbol federatsiyasi va O‘zbekiston futzal uyushmasi tomonidan amalga oshirilgan katta hajmdagi ishlar, ishqibozlarning qo‘llab-quvvatlashi, OAV, xullas, kattadan katta mehnat yotibdi, desam adashmagan bo‘laman”, – dedi Mirabror Usmonov.
Mirabror Usmonov, shuningdek, futzal bo‘yicha Toshkentda bo‘lib o‘tgan Osiyo chempionati haqidagi savolga javob berarkan, ishqibozlarning jonkuyarligidan hayratda qolganligini aytib o‘tdi.
“Odamlar nafaqat futzalga kelib, futzal ko‘rishni, balki turli musobaqalarda dunyoni havas qildiradigan darajada muxlislik qilishni boshladi. Odamlar futzalchilarni nafaqat taniy boshladi, balki ularni o‘zlariga kumir qilib oldi. Toshkentdagi Osiyo chempionatida bizning muxlislar shunaqa chiroyli muhitni yaratib berishdiki, OFK e’tirofi o‘z yo‘liga, men ular ichida o‘tirgan bir o‘zbekistonlik sifatida ular bilan faxrlandim. Terma jamoamiz bunday muxlislikdan keyin jahon chempionatiga chiqmasa bo‘lmasdi”, – deydi Mirabror Usmonov.
Mirabror Usmonov milliy terma jamoa mavzusidagi savollarga ham javob berdi.
“Biz terma jamoalarga ularning xalqaro musobaqalarda muvaffaqiyat qozonishi uchun yetarli shart-sharoitlarni yaratib berdik. Poydevor qurdik. Zamin hozirladik. Endi jahon chempionatiga chiqish vaqti keldi va biz buning uchun bor imkoniyatimizni ishga solamiz”, – deydi federatsiya prezidenti.
Mirabror Usmonovning intervyusi shu haftada “Sport” telekanalida namoyish etiladi.
Batafsil | Подробно | Read more... Daryo
Top News
-
Спалетти: "Қаҳрамонлар футболдан қўрқмайдилар"
Италия терма жамоаси бош мураббийи Луцано Спалетти Европа чемпионати олдидан жамоаси ортиқча босим остида эмаслигини айтди.
-
“Qaror chiqqan kundan to‘lovni boshlayman” – Munira Kariyeva tovon pulini qoplab berish borasida so‘zida turishini ma’lum qildi.
14 iyun kuni “Dok-1 Maks” ishi bo‘yicha davom etgan apellyatsiya sudida Sardor Kariyevning onasi Munira Kariyeva shaxsan ishtirok etib,...
-
O‘zbekiston va Janubiy Koreya rahbarlari Toshkentdagi muzokaralar yakunlarini yuqori baholadi.
O‘zbekiston prezidenti Shavkat Mirziyoyev va Janubiy Koreya prezidenti Yun Sok Yol ommaviy axborot vositalari vakillari uchun bayonot berdi. .
-
Toshkent va Dehli o‘rtasida parvozlar soni oshiriladi.
Avgust oyidan O‘zbekiston poytaxti va Hindiston poytaxti o‘rtasida har kuni parvoz qilish mumkin bo‘ladi. .
-
“Prezident zamonaviyroq va dunyoga yanada bog‘langan davlat qurmoqchi” – AQSh Savdo vakili.
11-12 iyun kunlari AQSh Savdo vakili Ketrin Tay O‘zbekistonda bo‘lib, qator rasmiylar, xususan, prezident Shavkat Mirziyoyev bilan ham uchrashdi....
-
Тен Хаг ва унинг яна бир шогирди ўртасида муносабатлар яхши эмас
Эрик тен Хаг Антонининг жорий мавсумдаги ўйинини қаттиқ танқид қилди.