Inson boshini ko‘chirib o‘tkazish bo‘yicha dunyodagi birinchi operatsiya o‘tkaziladigan sana ma’lum qilindi

Inson boshini transplantatsiya qilish bo‘yicha dunyodagi birinchi operatsiya o‘tkaziladigan taxminiy kun aniqlandi, deb xabar beradi “Vesti.ru”.

Foto: Vesti.ru

Rossiyalik 30 yoshli Valeriy Spiridonov 2017-yilning dekabr oyida jarrohlik amaliyotini boshdan kechiradi. Italiyalik neyrojarroh Serjio Kanavero tomonidan amalga oshiriluvchi operatsiya 36 soat davom etishi kutilmoqda.
Kanaveroning hisoblash natijalariga ko‘ra, barcha zaruriy hisob-kitoblarni amalga oshirish va ushbu jarayonning barcha tafsilotlarini rejalashtirish uchun unga ikki yil kerak bo‘ladi. Spiridonovning so‘zlariga qaraganda, shifokorlar operatsiyaning muvaffaqiyatiga 99 foiz ishonch hosil qilishi bilanoq, u amalga oshiriladi.
Eslatib o‘tamiz, Kanavero bilan birga operatsiyani xitoylik jarroh Ren Syaopin olib boradi.
Batafsil | Подробно | Read more... Daryo