Isroil armiyasi “XAMAS” tomonidan G‘azo sektoridan ochilgan yer osti yo‘lini aniqladi

Isroil mudofaa armiyasi “XAMAS” faollari tomonidan G‘azo sektoridan Isroil bilan chegara hududda qazib ochilgan yana bir yer osti yo‘li aniqlandi. Bu haqda, armiyaning rasmiy vakili Piter Lernerga asoslanib, “TASS” xabar bermoqda .

Foto: Getty Images

“‘XAMAS’ tomonidan qazilgan yer osti yo‘li 28–29 metr chuqurlikdan o‘tadi, uzunligi qancha ekanligini bilmaymiz, lekin biz undan ko‘zlangan maqsad nimaligini bilamiz — Isroil hududiga kirish”, — dedi u chet ellik jurnalistlar uchun uyushtirilgan matbuot anjumanida.
2014-yilning iyul-avgust oylarida Isroil armiyasi tomonidan G‘azo sektorida o‘tkazilgan harbiy operatsiyadan buyon jami ikkita bunday yer osti yo‘li aniqlandi. 50 kun davom etgan operatsiyaning yer usti bosqichidan ko‘zlangan maqsad, rasmiy bayonotga ko‘ra, aynan mana shunday yer osti yo‘llarini vayron qilish edi. Operatsiya mobaynida 32 ta tunnel topilib, ko‘milib tashlandi. Bu tunnellardan 12 tasi Isroil hududiga olib borishi e’tirof etildi.
Operasiyadan so‘ng topilgan birinchi yer osti yo‘li aprel oyida buzib tashlangan edi.
Batafsil | Подробно | Read more... Daryo