Kanadadagi o‘rmon yong‘inlari maydoni 85 ming gektarga yetdi

Kanadaning Alberta provinsiyasida o‘rmon yong‘inlari maydoni 85 ming gektarga yetdi. Bu haqda “TASS” xabar bermoqda .

Foto: EPA

Mintaqa yong‘inga qarshi kurash xizmati ma’lumotiga ko‘ra, alanga shiddat bilan tarqalayotganiga quruq va issiq havo, shuningdek, tezligi soniyasiga 20 metrga yetayotgan kuchli shamol sabab bo‘lmoqda.
Alberta shimoli-sharqidagi yong‘inlar 1 may kuni boshlandi, 3 may kuni esa kuchli shamol tufayli jadallik bilan tarqala boshladi. Tabiiy ofatdan eng ko‘p Fort-Makmyurrey shahri jabr ko‘rdi: bu yerda 1,6 mingga yaqin uy yonib ketdi, 88 ming kishidan iborat aholi shaharni tark etdi.
Yong‘inni bartaraf etishga 250 nafardan ortiq o‘t o‘chiruvchi, 17 samolyot va 12 vertolyot safarbar qilindi. Ofatdan ko‘rilgan zarar hozirning o‘zida 7,8 milliard AQSh dollariga yetdi. Provinsiyada favqulodda holat joriy etildi.
Batafsil | Подробно | Read more... Daryo