BMT: Suriyada qochoqlar lageriga uyushtirilgan aviazarba oqibatida 30 kishi halok bo‘ldi

Suriya shimolidagi Idlib viloyatida qochoqlar lageriga uyushtirilgan aviazarba oqibatida kamida 30 kishi halok bo‘ldi, 80 dan ortiq odam yaralandi. Bu haqda, BMT bosh kotibining gumanitar masalalar bo‘yicha o‘rinbosari Stiven O’Brayen bayonotiga tayanib, “TASS” xabar beradi .

Foto: EPA

U hodisa yuzasidan darhol betaraf va mustaqil tekshiruv o‘tkazishga chaqirdi.
Suriyadagi  huquq himoyachilari lagerlarni o‘qqa tutishning ortida hukumat qo‘shinlari turgan bo‘lishi mumkinligini ma’lum qilgan.
“Dastlabki ma’lumotlarga ko‘ra, 30 kishi o‘ldirilgan va 80 dan ortiq odam yaralangan, ulardan ko‘pchiligi ayollar va bolalardir. O‘nlab chodir yo‘q qilingan yoki ularga kuchli zarar yetgan. Agar mazkur fuqarolik obyektiga hujum qasddan qilingan bo‘lsa, u harbiy jinoyat deb topiladi”, — deb ta’kidladi O’Brayen.
Batafsil | Подробно | Read more... Daryo