Avstraliyalik qiz tug‘ilgan kuni munosabati bilan restoranlarda bir hafta bepul ovqatlandi

Avstraliyalik Lyusi Suini o‘zining tug‘ilgan kuni to‘g‘ri kelgan hafta davomida restoran va kafelarda bepul ovqatlandi, deya xabar bermoqda Meduza. Qiz Facebook’da sahifa ochib, u yerda bunga qanday erishgani haqida so‘zlab berdi. Shuningdek, u tavallud kuni munosabati bilan o‘ziga tortiq qilingan barcha taomlar suratlari bilan bo‘lishdi.

Foto: Facebook / Lucy Sweeney

Lyusining so‘zlariga ko‘ra, ko‘plab muassasalar maxsus aksiyalarni taklif qiladi, ularga muvofiq, bevosita tug‘ilgan kun va undan keyingi kunda tekinga ovqatlanish mumkin.
Ba’zi holatlarda, bepul tushlikni qo‘lga kiritish uchun qiz loyallik dasturi bo‘yicha anketalarni to‘ldirishiga va oldindan stol buyurtma qilishiga to‘g‘ri kelgan.
Lyusi duch kelgan muammo — aksiyalar bo‘yicha nonushtalar yo‘qligi bo‘ldi. Ba’zi muassasalar esa aksiya shartlarini bajarishdan va Suinini bepul mehmon qilishdan bosh tortdi.
Yeguliklar bilan tushgan suratlariga ko‘ra, qiz 23 marta tekin ovqatlangan. Lyusi borgan restoranlarning hammasida ham uning tug‘ilgan kuni rost yoki yolg‘on ekanligini tekshirib o‘tirishmagan. Qizning hisob-kitoblariga ko‘ra, u bir hafta davomida bepul yegan taomlarning barchasiga 364 Avstraliya dollari (taxminan 270 AQSh dollari) ketgan bo‘lardi.
Batafsil | Подробно | Read more... Daryo