AQShda 11-sentabrdagi teraktlar qurbonlari xotirlanadigan marosimda portlashni amalga oshirmoqchi bo‘lgan kimsa qo‘lga olindi

AQSh politsiyasi Oranj-park shahri (Florida) fuqarosi 20 yoshli Joshua Goldbergni hibsga oldi. U 11-sentabrda ro‘y bergan teraktlar qurbonlari xotirlanadigan sanada portlashni amalga oshirishga tayyorgarlikda gumon qilinmoqda. Bu haqda “RBK” xabar berdi .

Foto: vladtime.ru

CBS telekanalining ma’lum qilishicha, Federal Qidiruv Byurosi (FQB) o‘z informatoriga Avstaraliyada yashovchi livanlik qochoq nomidan turli shubhali saytlarda xabar qoldirayotgan foydalanuvchi (keyinchalik u Joshua Goldberg ekanligi aniqlangan) bilan aloqa bog‘lash vazifasini topshirgan. Iyul oyidan sentabrgacha Goldberg o‘z suhbatdoshiga teraktlar tayyorlash, jumladan, portlovchi qurilmalar yasash bo‘yicha saboq bergan.
U 2001-yil 11-sentabrdagi teraktlar qurbonlariga bag‘ishlab Kanzasda o‘tkaziladigan marosim chog‘ida portlash amalga oshirilishini rejalashtirgan. Goldberg 20 yillik qamoq jazosiga hukm qilinishi mumkin.
Batafsil | Подробно | Read more... Daryo