La Liga. “Barselona” yakka peshqadamga aylandi, “Atletiko” esa autsayderdan mag‘lubiyatga uchradi

Futbol bo‘yicha Ispaniya La Ligasining 37-tur bellashuvlari yakunlandi. Chempionlik uchun kurash olib borayotgan Diyego Simeone boshqaruvidagi Madridning “Atletiko” klubi oltin medallar masalasini xavf ostida qoldirdi.

Foto: “Barselona” FK rasmiy sayti

La Liga bilan xayrlashib bo‘lgan “Levante” maydoniga safar uyushtirgan “Atletiko” 2-daqiqadayoq hisobni ochishiga qaramay, yakunda ikkita gol o‘tkazib yubordi. Shu tariqa, Yevropa Chempionlar Ligasining finalida to‘p suradigan jamoa, La Liga chempioni bo‘lish masalasini so‘roq ostida qoldirdi.
“Atletiko”ning ochko yo‘qotishi “Barselona”ni yakka peshqadamga aylantirdi. “Espanyol” darvozasini javobsiz besh bor ishg‘ol qilgan Luis Enrike jamoasi so‘nggi turni “Granada” maydonida o‘tkazadi. Ehtimoliy g‘alaba “Barselona”ni mamlakat chempioniga aylantiradi.
Krishtianu Ronaldu hamda Karim Benzemaning qaytishi evaziga 37-turda “Valensiya”ni mag‘lub etgan Madridning “Real” klubi turnir jadvalida 2-o‘ringa ko‘tarilib oldi. “Barselona”dan 1 ochko kamroq to‘plagan Zidan jamoasi 38-turni “Deportivo” maydonida o‘tkazadi.
37-turda yana bir qator yetakchi klublar mag‘lubiyat alamini totib ko‘rdi. Jumladan, “Sevilya” o‘z maydonida autsayderdan yirik mag‘lubiyat qabul qilib, “Levante”ni La Ligada olib qolish uchun qarashib yubordi. “Vilyarreal” esa o‘z maydonida “Deportivo”ga qarshi hech narsa qila olmadi.
Ispaniya La Ligasi
37-tur bellashuvlari
8-may, yakshanba
“Barselona” — “Espanyol” 5:0
Gollar: Lionel Messi, 8 (1:0). Luis Suares, 52 (2:0). Luis Suares, 61 (3:0). Rafinya, 74 (4:0). Neymar, 83 (5:0).
“Vilyarreal” — “Deportivo” 0:2
Gollar: Faychal Fayr, 32 (0:1). Lukas Peres, 57 (0:2).
“Las-Palmas” — “Atletik” 0:0
“Levante” — “Atletiko” 2:1
Gollar: Fernando Torres, 2 (0:1). Viktor Kasadesus, 30 (1:1). Juzeppe Rossi, 90 (2:1).
“Real Madrid” — “Valensiya” 3:2
Gollar: Krishtianu Ronaldu, 26 (1:0). Karim Benzema, 42 (2:0). Rodrigo, 55 (2:1). Krishtianu Ronaldu, 59 (3:1). Andre Gomesh, 81 (3:2).
Chetlatish: Rodrigo, 90 (V).
“Real Sosyedad” — “Rayo Valyekano” 2:1
Gollar: Mikel Oyarsabal, 12 (1:0). Bautista, 50 (2:0). Xavi Gerra, 69 (2:1).
Chetlatish: Esteban Granero, 76 (S).
“Sevilya” — “Granada” 1:4
Gollar: Isaak Kuenka, 45+1 (0:1). Diyego Gonsales, 73 (1:1). Jan-Silen Baben, 79 (1:2). Yussef El-Arabi, 86-pen (1:3). Isaak Kuenka, 88 (1:4).
“Selta” — “Malaga” 1:0
Gol: Nolito, 31 (1:0).
“Xetafe” — “Sporting” 1:1
Gollar: Serxio Alvares, 50 (0:1). Stefan Shepovich, 80 (1:1).
Chetlatish: Nacho Kases, 57 (S).
“Eybar” — “Betis” 1:1
Gollar: Ruben Kastro, 37 (0:1). Serxi Enrich, 73 (1:1).
Batafsil | Подробно | Read more... Daryo