“PSJ” hujumchisi Ibragimovich 2015/16-yilgi mavsumda Fransiya chempionatining eng yaxshi futbolchisi deb topildi

“PSJ” jamoasi hujumchisi Zlatan Ibragimovich 2015/16-yilgi mavsumda Fransiya chempionatining eng yaxshi futbolchisi deb topildi. Bu haqda “Chempionat” xabar bermoqda .

Foto: Getty Images

34 yoshli shvetsiyalik futbolchi mazkur nomga da’vogar Anxel Di Mariya (“PSJ”), Xatem Ben-Arfa (“Nitssa”) hamda Lassana Diarrani (“Marsel”) ortda qoldirdi.
Joriy mavsumda Ibragimovich Fransiya chempionatining 29 o‘yinida maydonga tushib, 35 ta gol va 14 ta golli uzatmaga mualliflik qilgan.
“Chempionat”ning ma’lum qilishicha , “PSJ” ustozi Loran Blan 2015/16-yilgi mavsumda Fransiya chempionatining eng yaxshi murabbiyi bo‘ldi. “Marsel” klubining 31 yoshli posboni Stiv Mandanda Fransiyada  mavsumning eng yaxshi darvozaboni deb topildi.
Eslatib o‘tamiz, “PSJ” jamoasi chempionat yakunlanishiga 8 tur qolganida Fransiya chempioniga aylangan edi.
Batafsil | Подробно | Read more... Daryo