Android-smartfonlarning 100 ga yaqin modeli xavfsizlik talablariga javob bermasligi aniqlandi

FireEye kompaniyasi mutaxassislari ayrim Android-smartfonlar xavfsizligidagi kamchiliklarni aniqladi. Qualcomm chiplarida ishlaydigan shunday qurilmalarning 100 ga yaqin modelini bemalol buzish mumkin. Muammo kompaniyaning dasturchilar uchun paketidan (API) topildi, deb  xabar beradi  “Hi-tech.mail.ru”.

Foto: “Hi-tech.mail.ru”

G‘araz niyatli kimsalar smartfondagi shaxsiy ma’lumotlarga kirish himoyasiz ekanligidan foydalanish imkoniga ega. Ekspertlar fikricha, mazkur nuqson besh yildan beri mavjud. Eng katta xavf Android’ning eski versiyalariga (5.1 va undan past) taalluqli ekanligi bildirilmoqda.
Mutaxassislar muammo haqida Qualcomm’ni ogohlantirdi, kompaniya shoshilinch ravishda API uchun yangilangan patch chiqarishga ham ulgurdi. Biroq ishlab chiqaruvchilar xatarga moyil qurilmalar xavfsizligini ta’minlaydigan yangilanishlarni to‘liq joriy etguncha ma’lum vaqt talab etiladi.
Batafsil | Подробно | Read more... Daryo