Yadroviy qurol haqida 25 ta fakt

Nagasaki va Xirosimaning bombalanishidan so‘ng yadroviy qurol o‘zining halokatli mohiyatini namoyon etib berdi. Shu bois uning tarqalishiga yo‘l qo‘ymaslik va butunlay yo‘q qilish xalqaro siyosatning muhim tarkibiy qismlaridan biriga aylandi.

Foto: “Interesno”

“Interesno” yadroviy qurol haqida diqqatga sazovor faktlarni taqdim etdi .
1. Xirosima va Nagasakidagi radiatsiya

Foto: “Interesno”

Bugun ushbu ikki shaharda radiatsiya qoniqarli darajada, negaki ularga tashlangan bombalar yer uzra portlagan edi.
2. Uddaburo Yamaguti

Foto: “Interesno”

Sutomu Yamaguti — ikkala portlashdan ham omon qolgan kishi.
3. Marafonchi Tanaka

Foto: “Interesno”

Xirosima fojiasidan omon qolgan yana bir kishi — Shigeki Tanaka 1951-yilda Boston marafonida g‘alaba qozondi.
4. Baqaloq va Kichkintoy

Foto: “Interesno”

Yaponiya shaharlariga tashlangan bombalarning nomi “Baqaloq” va “Kichkintoy” edi.
5. Kokura

Foto: “Interesno”

Nagasakini yo‘q qilib yuborgan bomba aslida Kokura shahriga atalgan edi, ammo bulut va tuman u yerdagi o‘q-dori zavodini butunlay yopib qo‘ygani bois uni nishonga ololmagan bombardimonchi qo‘shimcha nishon — Nagasaki tomon yo‘l oldi.
6. 1626-yilgi bonsay

Foto: “Interesno”

1626-yili ekilgan bonsay daraxti yadroviy portlashdan omon qoldi. Ayni paytda u AQSh muzeylaridan birida saqlanadi.
7. Sunami
Bomba tashlanganidan bir oy o‘tgach, Xirosimada sunami ro‘y berib, yana 2 ming kishining hayotini olib ketdi.
8. Konversion yadroviy bombalar

Foto: “Interesno”

AQShda elektr quvvatining 10 foizi konversion yadroviy bombalardan ishlab chiqariladi.
9. Fazodagi portlash

Foto: “Interesno”

1962-yilda AQSh Yaponiyaga tashlangan bombadan 100 barobar qudratli bombani fazoda, Tinch okeanidan 400 kilometr balandlikda portlatdi.
10. Urush uchun 2 milliard dollar
1988-yilda AQSh hukumati yadroviy urush ehtimoli tufayli “Maunt Poni” obyektida 2 milliard dollar saqlar edi.
11. Las-Vegasdagi attraksion

Foto: “Interesno”

1950-yillarda yer usti yadroviy sinovlari Las-Vegasdagi eng diqqatga sazovor attraksionlardan biri edi.
12. Oydagi portlash
Sovuq urush yillarida AQSh o‘z harbiy qudratini namoyon etish uchun Oyda atom bombasini portlatish loyihasini ishlab chiqqan edi.
13. Qisqich
Xirosimadagi portlashni keltirib chiqargan moddaning hajmi oddiy qisqichdan katta emasdi
14. Atom bombalari miqdori
Bugun Rossiyada 8400 ta, AQShda — 7650 ta yadroviy zaryad bor. Fransiyada bu ko‘rsatkich 300 taga, Buyuk Britaniyada 225 taga, Xitoyda 240 taga teng.
15. Yo‘qotilgan jahannam
Avariyalar tufayli AQSh 11 ta yadroviy bombasini yo‘qotdi. Ularni topishga muvaffaq bo‘linmadi.
16. 2-Panama kanali

Foto: “Interesno”

Vodorod bombasi otasi doktor Edvard Teller bu qo‘rqinchli qurolni tinchlik yo‘lida yaratgan edi. Xususan, u bir qator aniq chamalangan portlashlar yordamida Panama kanaliga o‘xshagan yana bir suv yo‘li ochishni taklif qilgandi.
17. 1958-yil yo‘qotishi
Jorjiya shtati qirg‘oqlarida AQSh qurolli kuchlari 1958-yilda yo‘qotib qo‘ygan atom bombasi bor.
18. Kompyuter tomografiyasi

Kompyuter tomografiyasi jarayonida mijoz tanasi shunday miqdordagi radiatsiya bilan nurlanadiki, u go‘yo Xirosima portlashidan 2,5 kilometr narida turgan misoli nurlanish oladi.
19. Atom bombasi muzeyi

Foto: “Interesno”

Nyu-Meksikoda birinchi yadroviy sinov o‘tkazilgan o‘rinda qad ko‘targan atom bombasi muzeyi bor. Trinity Site yiliga bor-yo‘g‘i 12 soat ishlaydi.
20. Neytron bombasi
Neytron bombasi — katta portlash keltirib chiqarmaslik uchun maxsus o‘ylab topilgan atom bombasi. Buning o‘rniga u ulkan radioaktiv nurlanishni keltirib chiqaradi.
21. Sar-bomba

Foto: “Interesno”

Sar-bomba sinovdan o‘tkazilgan eng yirik atom bombasidir. Portlash shu qadar kuchli chiqdiki, uning seysmik to‘lqini Yer kurrasini uch marta aylanib o‘tdi.
22. NATO geografiyasi
NATO qurol almashish dasturi doirasida AQSh yadro kallaklari Belgiya, Germaniya, Italiya, Niderlandiya va Turkiyada saqlanadi.
23. Seziy-137 va stronsiy-90

Foto: “Interesno”

Yadroviy sinovlar o‘tkazilgan-o‘tkazilmaganini tekshirish usullaridan biri seziy-137 yoki stronsiy-90 ni aniqlashdir. 1945-yilda ilk bor yadro quroli qo‘llanishigacha bu izotoplar tabiatda mavjud emasdi.
24. Shimoliy Karolina uzra bomba
1961-yilda AQSh harbiy-havo kuchlari Shimoliy Karolina osmonida tasodifan ikkita atom bombasini tashlab yubordi. Ular portlamay qoldi.
25. Vela voqeasi

Foto: “Interesno”

2000 dan ortiq yadroviy sinovlardan bittasini kim o‘tkazgani noma’lum. 1979-yilda Hind okeanida 3 kilotonnali bomba portlashi qayd etildi. Vela voqeasi deb atalgan ushbu hodisa uchun kim javobgarligi noma’lumligicha qolmoqda.
Batafsil | Подробно | Read more... Daryo