Samarqandda 9-may Xotira va qadrlash kuniga bag‘ishlab teatrlashtirilgan adabiy-musiqiy kecha tashkil etildi

Samarqand shahar madaniyat va sport ishlari bo‘limi tasarrufidagi Amir Temur madaniyat va aholi dam olish markazi hamkorligida 55-umumta’lim maktabi bilan g‘alabaning 71 yilligi oldidan 9-may Xotira va qadrlash kuniga bag‘ishlab “Otalar jasorati yoshlarga ibrat!” deb nomlangan teatrlashtirilgan adabiy-musiqiy kecha tashkil etildi. Bu haqda Samarqand shahar Amir Temur madaniyat va aholi dam olish markazi matbuot xizmati “Daryo”ga ma’lum qildi.

Foto: Samarqand shahar Amir Temur madaniyat va aholi dam olish markazi

Yig‘ilganlar e’tiboriga Amir Temur madaniyat markazi qoshidagi bolalar folklor jamoasi, raqs-xoreografiya ijodiy guruhi, xonandalar Salohiddin Oripov va Sherzod Tursunovlar bayramga bag‘ishlangan ijodiy dasturlarini namoyish qildi.

Foto: Samarqand shahar Amir Temur madaniyat va aholi dam olish markazi

Tadbirga tashrif  buyurgan barcha tomoshabinlarga esdalik uchun butun dunyoda tinchlik ramzi bo‘lgan qog‘ozdan yasalgan turnachalar sovg‘a qilindi.
Batafsil | Подробно | Read more... Daryo