OAV: “PSJ” Krishtianu Ronalduni sotib olish ustuvor huquqini qo‘lga kiritdi

Fransiyaning “PSJ” futbol klubi Madridning “Real” jamoasi hujumchisi Krishtianu Ronalduni sotib olish ustuvor huquqini qo‘lga kiritdi. Bu haqda Le Parisien nashriga tayanib, “TASS” xabar bermoqda .

Foto: EPA

31 yoshli futbolchining agenti Jorje Mendesh va “PSJ” prezidenti Nossir Al-Xelayfi Ronalduni sotib olish ustuvor huquqini fransuz klubi qo‘lga kiritishi haqida og‘zaki kelishuvga erishdi.
Krishtianu Ronaldu 2009-yilda “Manchester Yunayted” klubidan “Real”ga kelib qo‘shilgan edi. Joriy mavsumda portugaliyalik futbolchi “Qirollik klubi” safida 46 o‘yinda maydonga tushib, raqiblar darvozasini 49 marta ishg‘ol qilishga muvaffaq bo‘ldi.
Transfermarkt portalining ma’lumotlariga ko‘ra , uch karra “Oltin to‘p” hamda to‘purarlar uchun beriladigan “Oltin butsa” sovrinining to‘rt karra sohibining hozirgi transfer narxi 110 million yevroni tashkil etadi.
Avvalroq “PSJ” jamoasi Ronaldu va Neymar uchun 300 million yevro taklif qilishga tayyor ekani haqida xabar berilgan edi .
Batafsil | Подробно | Read more... Daryo