Dilma Russeff Braziliya prezidentligidan chetlashtirilishini “to‘ntarish” deb baholadi

Dilma Russeff Braziliya prezidentligidan vaqtinchalik chetlatilishini “to‘ntarish” va “siyosiy o‘yin” deb hisoblaydi. Bu haqda “TASS” xabar bermoqda .

Foto: “BrockPress.com”

Prezidentlik saroyini tark etishdan burun ayol millatga murojaatini amalga oshirdi.
“Faqatgina mening mandatim emas, balki saylovlarga hurmat, Braziliya xalqi suvereniteti va konstitutsiyasi ham shubha ostida turibdi”, — dedi u o‘z murojaatida.
Shuningdek, u taslim bo‘lmasligini, davom etayotgan impichment jarayoniga tinch yo‘llar bilan qarshilik ko‘rsatishini bildirdi.
“Men xatolar qilganman, ammo jinoyat sodir etmaganman”, — qo‘shimcha qildi mamlakat yetakchisi.
Saroyni tark etgach, u davlat rahbari qarorgohi binosi oldida to‘plangan tarafdorlari orasida chiqish qildi. Russeff o‘zining chetlashtirilishini Braziliyaning yosh demokratiyasi uchun fojiali kun bo‘lganini bildirib, o‘zini katta adolatsizlik qurboni deb atadi.
Batafsil | Подробно | Read more... Daryo