Saudiya Arabistoni eronliklarning haj safari uyushtirishiga to‘sqinlik qilayotganini rad etdi

Saudiya Arabistoni hukumati Ar-Riyod, go‘yoki, eronlik ziyoratchilarga Makkaga haj safarini uyushtirishga to‘sqinlik qilayotgani haqidagi axborotni rad etdi. Bu haqda Saudiya haj vazirligi bayonotiga tayanib, Livanning The Daily Star nashri xabar berdi, deb yozadi “Interfaks”.

Foto: “Kvedomosti.com”

Unda aytilishicha, Saudiya Arabistoni “dunyoning har qanday burchagidan kelgan, har qanday millatga va diniy yo‘nalishlarga tegishli bo‘lgan ziyoratchilarni qabul qilishga tayyor va hech bir musulmonning yo‘lini to‘smaydi”.
Biroq vazirlikdagilar ziyoratchilarning safarlari “haj o‘tkazish sohasidagi tizim va ko‘rsatmalar doirasida” o‘tishi kerakligini ta’kidladi.
Avvalroq Tehron va Ar-Riyodning eronlik ziyoratchi shialarga vizalar taqdim etish haqidagi muzokaralari muvaffaqiyatsiz kechgach, Eron madaniyat vaziri Ali Jannatiy eronlik ziyoratchilar bu yil Saudiya Arabistoniga haj safari uyushtira olmasligi mumkinligini ma’lum qilgan edi.
Batafsil | Подробно | Read more... Daryo