Ucell kompaniyasi telekommunikatsiyalar sohasida “Eng yaxshi ish beruvchi” sifatida e’tirof etildi

Ucell kompaniyasi xodimlarni boshqarish sohasida DaVinci Solutions konsalting kompaniyasining versiyasi bo‘yicha “Eng yaxshi ish beruvchi. Telekommunikatsiyalar” nominatsiyasida g‘olib bo‘ldi. Bu haqda Ucell kompaniyasining matbuot xizmati xabar berdi.
2016-yil 11-may kuni Wyndham Tashkent mehmonxonasida “HR sohasida innovatsiyalar va IT-yechimlar” mavzusida birinchi HR-konferensiya bo‘lib o‘tdi. Anjuman doirasida raqamli texnologiyalar davrida HR-siyosatini shakllantirishga doir strategiyalar taqdim etildi. Ushbu konferensiyada 300 dan ortiq HR-direktorlar, top-menejerlar, ishbilarmonlar, kadrlar bo‘yicha mutaxassislar, davlat xoldinglari, aksiyadorlik jamiyatlar vakillari va rahbarlari, biznes-maslahatchilar, xorijiy ekspertlar ishtirok etdi. Anjuman mahalliy kompaniyalarni to‘qqizta nominatsiya bo‘yicha tantanali mukofotlash jarayoni bilan yakunlandi.
DaVinci Solutions konsalting kompaniyasi eng yaxshi ish beruvchilarni kompaniyalarda HR departamentlarining faoliyati va mutaxassislar ishi sifatini puxta o‘rganish asosida aniqladi. Xususan, xodimlarning qanoatlanganligi va xolisligi, boshqa xodimlarni rivojlantirishga qo‘shgan hissasi, jipslashgan jamoa ustida ish olib borilganligi hisobga olindi.

Foto: Ucell

HR&Admin, Ucell Direktori Nigyar Xuseynzade ta’kidlaganidek:
“Ushbu mukofot biz uchun asoslantiruvchi omil va sa’y-harakatlarimiz atrofdagilar tomonidan naqadar qadrlanishining e’tirofi bo‘ldi! Har qanday mukofot zamirida butun jamoaning kundalik izchil mehnati mujassamlashgan. Biz har bir xodim o‘z rivojlanish yo‘nalishlarini va mansabga erishish istiqbollarini aniq bilishi lozimligiga alohida e’tibor qaratamiz, chunki kompaniyada buning uchun ko‘plab imkoniyatlar mavjud. O‘z strategiyamiz doirasida biz kompaniyalar biznes-qadriyatlar va xodimlarning shaxsiy qadriyatlari integratsiyalashuvini ilgari suradigan zamonaviy xalqaro tendensiyaga amal qilamiz. Joriy yilda COSCOM/TMUcell kompaniyasi O‘zbekistonda faoliyat ko‘rsatayotganiga 20 yil to‘ladi. Ushbu kompaniya Markaziy Osiyoga GSM900/1800 standartini olib keldi. Bizda mobil aloqa kommunikatsiyalari mamlakatda ilk qadam bosayotgan davrlarda birgalikda harakat qilgan jonkuyar xodimlar hanuzgacha mehnat qilib, o‘z ishi va qadriyatlariga sodiq qolganligi mamnuniyat bag‘ishlaydi, albatta. Bu o‘z-o‘zidan, so‘zsiz, e’tirofdan darak berib, top-menejment jamoasini xodimlar farovonligi yo‘lida bundan keyin ham investitsiyalar kiritishni davom ettirishga ilhomlantiradi, ruhlantiradi va rag‘batlantiradi”.
Ucell kompaniyasi 20 yil davomida xodimlari bilan do‘stlik rishtalarini mustahkamlab kelmoqda. Ucell – o‘z xodimlari, mijozlari va sheriklariga bo‘lgan munosabatida, ichki iqlimni shakllantirishda, oldida turgan vazifalarga tizimli yondashishda Yevropa biznesining namunasi sifatida xizmat qilmoqda. Bugungi kunda mamlakatning barcha mintaqalarida joylashgan kompaniya tarmoqlarida 930 dan ortiq xodimlar samarali mehnat qilmoqda. Bundan tashqari, kompaniya doimo yangi iqtidorli mutaxasislarni izlash ustida ish olib borib, bugungi kun holatiga ko‘ra qariyb 90 ta vakansiyalar, ya’ni ish o‘rinlarni yaratgan. Xodimlar kasbiy rivojlanishi uchun o‘tkaziladigan treninglar, kouching-sessiyalar va loyihalarni boshqarish imkoniga ega bo‘ladigan gorizontal menejment turidan tashqari, ularga keng doiradagi ijtimoiy xizmatlar taqdim etiladi. Kompaniyaning futbol jamoasi va ko‘ngillilari guruhi ko‘p sonli mijozlar va mamlakat fuqarolarining qalbini zab etishga ham ulgurdi. Odamlar turmushini yanada farovon va obod qilish maqsadida ushbu kompaniyaga jamoada ishlash ko‘nikmalariga ega bo‘lgan, zamonaviy fikrlay oladigan, halol ishlaydigan, yuksak marralarni egallashni istaydigan, chinakam yetakchiga aylanish va kompaniya rivojiga o‘z hissasini qo‘shishga intiladigan insonlar qabul qilinadi.
Reklama huquqi asosida
Batafsil | Подробно | Read more... Daryo