Astraxanlik 120 yoshli Tanzilya Bisembeyeva dunyodagi eng keksa odam sifatida tan olindi

Astraxan viloyatining Krasnoyarsk tumanida yashovchi Tanzilya Bisembeyeva dunyodagi eng keksa odam sifatida tan olindi. U 120 yoshga yetgan dunyo tarixidagi ikkinchi inson sanaladi. Bu haqda Rossiya rekordlar kitobi saytida ma’lum qilingan, deya xabar beradi “TASS”.

Foto: Rossiya rekordlar kitobi

Tumanning OAV bilan aloqalar bo‘yicha mutaxassisi Elmira Uzmagambetovaning ma’lum qilishicha, astraxanlik ayol shu yilning 14-martida 120 yoshga to‘lgan.
“Tanzilya Nasixanovna 19-asr oxiri — 1896-yilda dunyoga kelgan. To‘rt farzandni tarbiyalab, voyaga yetkazgan, hozirda o‘n nabira, 13 evara, ikki chevarasi bor. Onaxon ayni paytda kichik o‘g‘li Shintemir Musagaliyevich va kelini Asima Tuyanovna bilan birga yashaydi”, — deya hikoya qilgan Uzmagambetova.
Rossiya rekordlar kitobiga ko‘ra, barcha zamonlarning eng keksa kishisi sifatida 122 yil umr ko‘rgan fransiyalik Janna Luiza Kalman e’tirof etilgan.
Qayd etish joiz, bundan avval jahonning eng keksa insoni O‘zbekistonda istiqomat qilgani aytilgan edi (biroq xalqaro miqyosda rasman tan olinmagan) — 1880-yili tug‘ilgani ta’kidlangan To‘ti Yusupova 2015-yil bahorida, 135 yoshida vafot etgandi .
Batafsil | Подробно | Read more... Daryo