Avstriya kanslerligiga ikki nomzoddan biri lavozim uchun kurashdan voz kechdi

Avstriya sotsial-demokratik partiyasi raisligi va mamlakat kanslerligiga ikki nomzoddan biri Gerxard Sayler lavozim uchun kurashdan voz kechdi. Bu haqda “TASS” xabar bermoqda .

Foto: Fotolia

Shu tariqa, ikkinchi nomzod — “Avstriya temir yo‘llari” (OEBB) rahbari Kristian Kern sotsial-demokratlarning yangi raisi etib tayinlanish uchun barcha imkoniyatga ega. U, shuningdek, 8 yillik boshqaruvdan so‘ng 9-may kuni iste’fo bergan Verner Fayman o‘rniga o‘z-o‘zidan kansler kursisini egallaydi.
Ekspertlar taxminicha, Kernning tayinlanishi haqidagi qaror hafta oxirida e’lon qilinadi, 17-mayda esa rasmiy tasdiqlash tadbiri yakuniga yetadi. Ertasiga esa sotsial-demokratlarning yangi yetakchisi prezident Xayns Fisher tomonidan Avstriya kansleri etib tayinlanishi mumkin.
Batafsil | Подробно | Read more... Daryo