Kaliforniyada ro‘y bergan samolyot halokatida 18 kishining barchasi tirik qoldi

Cessna 208 samolyoti 12-may, payshanba kuni AQShning Kaliforniya shtati, Fresno shahri yaqinidagi uzumzorga avariyali qo‘nishga majbur bo‘ldi. Oyog‘i osmondan bo‘lib qolgan havo kemasi bortidagilarning barchasi — uchuvchi va 17 nafar parashyutchi mo‘jiza bilan omon qoldi, deya xabar beradi “TASS”.

Foto: “REN TV”

AQSh federal aviatsiya boshqarmasi rasmiy vakili Yan Gregorga ko‘ra, Lodi punkti shimolidagi parashyut sporti markazi aerodromidan parvoz qilganidan so‘ng samolyot dvigatelida nosozliklar paydo bo‘lgan. Uchuvchi havoda ortga qaytishga harakat qilgan, biroq aerodromdan 1,6 kilometr uzoqlikda, avtotrassa atrofida qattiq qo‘nishni amalga oshirishga majbur bo‘lgan.
Hodisa yuz bergan Vudbrij tumani yong‘inga qarshi kurash leytenanti Den Shmirerning bildirishicha, parashyutchilar sovuqqonlik va mahoratini namoyish etgan uchuvchiga minnatdorchilik bildirgan. U halokatdan qochish uchun samolyotni elektr uzatish liniyalari ostidan olib o‘tgan, havo kemasi to‘g‘ridan-to‘g‘ri turar-joyga to‘qnashishiga oxirgi daqiqalarda chap berib qolgan.
Batafsil | Подробно | Read more... Daryo