Qoraqalpog‘iston va Buxoroda 15-may kuni yog‘ingarchilik kutilmaydi

O‘zbekistonning aksariyat hududlarida 15-may, yakshanba kuni qisqa muddat yomg‘ir yog‘ishi mumkin. Bu haqda “O‘zgidromet” markazi xabar bermoqda .

Buxoro manzaralari. Foto: “Uzinfoinvest.uz”

Xabar berishlaricha, 15-mayga o‘tar kechasi O‘zbekistonning tog‘li hududlarida havo harorati +7…+12 daraja, Toshkent shahrida +15…+17 daraja, qolgan hududlarda +13…+20 darajagacha iliq bo‘ladi.
Yakshanba kuni kunduzi O‘zbekistonning tog‘li hududlarida havo harorati +13…+18 daraja, Farg‘ona vodiysi viloyatlari va Toshkent shahrida +27 darajagacha, Qoraqalpog‘iston Respublikasi, Xorazm, Toshkent, Samarqand, Jizzax, Sirdaryo viloyatlarida +28 darajagacha, Buxoro, Navoiy, Qashqadaryo va Surxondaryo viloyatlarida +30 darajagacha iliq bo‘ladi.
15-may kuni Qoraqalpog‘iston Respublikasi, Xorazm, Buxoro va Navoiy viloyatlarida yog‘ingarchilik kutilmaydi. Toshkent shahrida vaqti-vaqti bilan qisqa muddatli yomg‘ir yog‘ishi, momaqaldiroq bo‘lishi mumkin. Qolgan hududlarda vaqti-vaqti bilan yomg‘ir, momaqaldiroq bo‘lishi, shamol tezligi esa soniyasiga 15—20 metrgacha kuchayishi mumkin.
Batafsil | Подробно | Read more... Daryo