Yaponiyada 10 mingdan ortiq kishi zilzilalardan bir oy o‘tib, evakuatsiyada qolmoqda

Yaponiya janubi-g‘arbida 10 mingdan ortiq kishi mamlakatda yuz bergan turkum zilzilalardan bir oy o‘tib, evakuatsiyada qolmoqda. Bu haqda “Interfaks” xabar berdi .

Foto: Reuters

“Kiodo” agentligiga ko‘ra, Yaponiya rasmiylari yerosti silkinishlarida shikastlangan binolarni tiklash (82 mingdan ortiq binoga ziyon yetgan) va jabrlanganlarga yordam ko‘rsatish uchun qo‘shimcha 778 milliard iyena (7,2 milliard dollar) ajratishi kutilmoqda. Zilzilada zarar yetgan 173 ta maktab shu haftadagina ish boshlashga muvaffaq bo‘ldi.
Eslatib o‘tamiz, 14 va 16-aprel kunlari Kyusyu orolining Kumamoto prefekturasida 6,5 va 7,3 magnitudali ikki yirik zilzila ro‘y berdi . Oxirgi ma’lumotlarga ko‘ra, 49 kishi ofat qurboni bo‘ldi, 2 mingdan ortiq kishi jarohatlangan, 200 mingga yaqin kishi evakuatsiya qilingan.
Batafsil | Подробно | Read more... Daryo