Ispaniyada 100 ming tonna avtomobil shinasi to‘plangan axlatxonada yong‘in yuz berdi (foto)

Ispaniya rasmiylari Sesenya va Valdemoro munitsipalitetlari o‘rtasidagi kamida 100 ming tonna avtomobil shinasi yig‘ilgan axlatxonadagi keng ko‘lamli yong‘in tufayli 9 mingga yaqin kishini evakuatsiya qilmoqda. Bu haqda TJournal xabar berdi .

Foto: AP

Rasmiy ma’lumotlarga ko‘ra, yong‘in oqibatida hech kim jabrlanmagan, biroq alangalanish joyidan qora toksik tutun ko‘tarilib, shamol yordamida atrofga tarqalmoqda. Yong‘in kelib chiqishi sabablariga aniqlik kiritilmoqda, ekspertlar mintaqada bir necha kun qatorasiga yomg‘irli ob-havo kuzatilgani uchun o‘t qo‘yilgani ehtimoldan xoli emasligini bildirmoqda.

Foto: EPA

Hodisa joyida o‘t o‘chiruvchilar brigadalari va vertolyotlar ishlamoqda, ammo mahalliy rasmiylar vakillariga ko‘ra, yong‘in oqibatlarini bartaraf etish bir necha kunga cho‘zilishi mumkin.

Foto AFP/Getty Images


Foto: EPA


Foto: Getty Images


Batafsil | Подробно | Read more... Daryo