O‘zbekiston — Qirg‘iziston: qirg‘izistonlik muxlislar bellashuvdan shod, o‘zbekistonliklar esa aksincha

2-iyun kuni futbol bo‘yicha O‘zbekiston milliy terma jamoasi Toshkentda Qirg‘iziston termasini qabul qiladi . Ma’lumot uchun, Qirg‘iziston terma jamoasi FIFA reytingida O‘zbekistondan 34 pog‘ona pastroqda joylashgan .


O‘zbekiston milliy terma jamoasi FIFA reytingida 66-pog‘onani saqlab qoldi



Foto: Facebook / FFKR.KG



O‘zbekiston milliy terma jamoasi Iordaniya bilan Toshkentda o‘rtoqlik uchrashuvi o‘tkazadi


Yoz faslining ikkinchi kunida Qirg‘iziston terma jamoasi Livanga qarshi o‘rtoqlik o‘yinida maydonga tushishi kerak edi. Biroq livanliklar kelishuvni bekor qilishni ma’qul ko‘rdi. “Qirg‘iziston bilan o‘yin omaddan boshqa narsa emas. Livan 10-may kuni o‘yinni bekor qilib ulgurmay, ikki kundan keyin biznikilar kelishib ulgurishdi. Tezkorlik!”, — deb yozdi o‘zbekistonlik futbol mutaxassisi Alisher Nikimbayev o‘zining Twitter sahifasida.
Qirg‘iziston futbol federatsiyasining facebook’dagi rasmiy sahifasi 13-may kuni O‘zbekiston milliy terma jamoasiga qarshi o‘rtoqlik o‘yini o‘tkazilishi haqida rasman ma’lum qildi . Bu xabar ostiga qirg‘izistonlik futbol muxlislari pozitiv ruhdagi izohlar qoldirdi.
“Qoyil! Super-kuchli raqib. To‘plar nisbatidagi farq 22:2, ularning foydasiga. Biz bir marta ham zafar quchmaganmiz”, — deb fikr bildirgan qirg‘izistonlik muxlislardan biri.
“Krestinin va jamoasi uchun jiddiy sinov. Yuztalikka tasodifan kirmaganliklarini isbotlash uchun ham, zafar quchishlari kerak. Omad”, — deb yozdi boshqa bir muxlis. Bu ikki izohdan keyin esa o‘zbekistonlik futbol muxlisi paydo bo‘lib, qirg‘izistonlik ishqibozlarga shunday murojaat qilgan : — “Bilasizlarmi, o‘zbekistonlik futbol muxlislari, jumladan men ham, bu o‘yindan xursand emasmiz. Biz Qirg‘izistondek kuchsiz raqib tanlanganidan norozimiz. Hisob yirik bo‘lishi shubhasiz. O‘yin ‘Bunyodkor’ stadionida bo‘lib o‘tadi”.
“Yaxshisi o‘yin Bishkekda bo‘lishi kerak edi. Yaxshigina odam yig‘ilardi. Muhimi, o‘yin TVda namoyish etilardi”, — deb yozilgan izohga, boshqa bir muxlis shunday javob bergan : — “Toshkentda maydon yaxshiroq”.
“Livanga qaraganda bir bosh kuchli raqib. O‘zbek tarafi asosiy tarkibini tushirarmikin yoki yo‘q, shunisi qiziq bizga”, — deydi feysbukning qirg‘izistonlik foydalanuvchisi. “Qirg‘iziston yengib chiqishiga men to‘liq ishonaman”, — deb umid bildirgan boshqa bir muxlis. Izohlar orasida “Ishqilib o‘yinni bekor qilishmasinda” — deb yozilgan xavotirli fikrlar ham bor.
O‘zbekistonlik futbol mutaxassisi Alisher Nikimbayev o‘yin haqida shunday fikr bildirdi : — “Umuman olganda, Qirg‘iziston bu juda yaxshi. Ketma-ket g‘alabalar soni bo‘yicha rekord o‘rnatish uchun ajoyib imkoniyat bor”. Qayd etish kerak, Samvel Babayan bosh murabbiyligida O‘zbekiston milliy terma jamoasi ketma-ket sakkiz bellashuvda zafar quchishning uddasidan chiqa oldi.
“Chempionat.asia” saytiga tashrif buyuruvchi futbol muxlislarining o‘yin haqidagi fikrlari pozitivlikdan yiroqda bo‘ldi . “Biz ham xursandmiz, osmondan tushgandek tekin raqib paydo bo‘lganiga”, — deb yozgan muxlislardan biri.
“Bizning jahon chempionatiga chiqishimizni xohlashmayaptimi, deyman. JChga boraman deydigan jamoalar Ispaniya, Xorvatiya, Angliya bilan o‘rtoqlik o‘yini o‘tkazyapti, biznikilar esa mashhur bo‘lgan xokkeychilar — Kanada, Qirg‘iziston. Endi navbat Farer orollariga”, — deb yozgan boshqa bir foydalanuvchi.
Fikrlar orasida “Biz ham qachondir o‘zimizdan kuchli bo‘lgan terma jamoalar bilan o‘ynaymizmi, yo‘qmi?”, “O‘zbekiston terma jamoasi bu o‘yindan hech narsa olmaydi, Qirg‘iziston foydasiga ishlaydi bu passiv o‘rtoqlik o‘yini”, “Temp juda yuqori-ku, Bu o‘yin biz uchun juda muhim! Yigitlar, bo‘shashmanglar, faqat va faqat g‘alaba bizni qoniqtiradi. Ahir bu finalga teng o‘yin-ku!”, — deb yozilgan izohlarni ham uchrashtish mumkin.


Janubiy Koreya sport nashrlari JCh—2018 saralashida O‘zbekistonni kuchsiz raqib deb hisoblaydi


JCh—2018 3-saralash bosqichidagi murabbiylar O‘zbekiston termasini jiddiy raqib deb hisoblamaydi


Odil Ahmedov va Server Jeparov JCh—2018 yo‘lida birlashish kerak deb hisoblaydi


Ma’lumot uchun, O‘zbekiston milliy terma jamoasining JCh—2018 3-saralash bosqichidagi raqiblari yaqinlashib kelayotgan FIFA kunlarida UEFA vakillariga qarshi o‘rtoqlik o‘yinlarida ishtirok etadi.
29-may
Albaniya — Qatar
31-may
Vyetnam — Suriya
1-iyun
Ispaniya — Janubiy Koreya
2-iyun
Makedoniya — Eron
O‘zbekiston — Qirg‘iziston
3-iyun
Tailand — Suriya
Xitoy — Trinidad va Tobago
5-iyun
Chexiya — Janubiy Koreya
7-iyun
Kanada — O‘zbekiston
Xitoy — Qozog‘iston
Batafsil | Подробно | Read more... Daryo