Almazbek Atambayev: Qirg‘izistonda vaziyatni beqarorlashtirishga qaratilgan barcha harakatlarga keskin chek qo‘yiladi

Qirg‘izistondagi ko‘pchilik siyosatchilarga hozirgacha mamlakat tanlagan yo‘l yoqmaydi. Bu haqda respublika prezidenti Almazbek Atambayev ma’lum qildi, deya xabar beradi “TASS”.

Foto: “TASS”

“Ular (siyosaychilar) haqqoniy yo‘l bilan hokimiyatga kelolmasliklari, chunki odamlar ularga ishonmasligini biladi. Shu sababli istalgan, hatto zo‘ravonlik, qon to‘kish va qotilliklar yo‘li bilan bo‘lsa-da, mamlakatdagi vaziyatni izdan chiqarishni istashadi”, — deya ta’kidlagan davlat rahbari.
Qirg‘iziston maxsus xizmatlari 12-may kuni mamlakatda hokimiyatni qo‘lga olishga urinishda ayblab, “Xalq parlamenti” harakatining uch nafar a’zosini qo‘lga oldi . Prezidentning bildirishicha, Qirg‘iziston aholisining aksariyati bundan xabardor.
“Demokratiya qonun ustuvorligini anglatadi. Agar butun xalq Atambayev iste’fosini istaydi, deb o‘ylasangiz, prezidentga ishonch bo‘yicha referendum o‘tkazish g‘oyasini ilgari sursangiz bo‘ladi. Tashabbusingizni qo‘llab-quvvatlashga va’da beraman. Mabodo xalq menga qarshi ovoz bersa, o‘sha zahoti iste’foga chiqishga tayyorman. Ammo hali davlat rahbari ekanman, yana bir bor ogohlantirmoqchiman: mamlakatda vaziyatni beqarorlashtirishga qaratilgan barcha harakatlarga keskin chek qo‘yiladi va qonunga binoan shafqatsiz jazolanadi”, — deya ma’lum qilgan Atambayev.
Batafsil | Подробно | Read more... Daryo