Simsiz robot yutib yuborilgan batareykani oshqozondan olib chiqdi (video)

Mitti simsiz robot oshqozondan yutib yuborilgan batareykani chiqarib olish bo‘yicha operatsiyani muvaffaqiyatli tarzda amalga oshirdi, deya xabar bermoqda “Hi-tech.mail.ru”. Tajriba inson organiga o‘xshatib yasalgan modelda olib borildi. Robot yig‘ilib-yoyilish hisobiga harakatlandi.

Foto: “Hi-tech.mail.ru”

Robotni limon kislotasining suvdagi eritmasi bilan to‘ldirilgan odam oshqozoni va qizilo‘ngachi maketi ichiga joylashtirishdi. Ishlab chiquvchilar ta’kidlashicha, jarrohlik operatsiyasi o‘tkazish uchun haqiqiy robot kapsulasi muzdan emas, balki me’da shirasida erib ketadigan biologik muvofiq polimerdan qilinadi.
Qurilma mustaqil ravishda muz kapsulasidan chiqdi va zarur joyda ishga tushdi. U yerda u magnit yordamida batareykani tutib oldi va uni modelning chiqish yo‘liga olib bordi.
Robot arzon va biologik muvofiq hisoblangan quritilgan cho‘chqa ichagidan yasaldi. U origami tamoyili bo‘yicha harakatlandi: qat-qat qilib buklangan holda u kapsuladan chiqqach, tekislandi va tashqi magnit maydoni ta’sirida nishonga yetib bordi. Yig‘ilish va yoyilish hisobiga qurilmaning og‘irlik markazi ko‘chdi, yuzadan tortishish o‘zgardi.
Kelajakda bunday robotlar tananing har qanday qismida ishlatilishi mumkin.




Batafsil | Подробно | Read more... Daryo