OAV: G7 yetakchilari terrorizmga qarshi kurashish va kambag‘allik muammolarini hal etish uchun chiqish qiladi

“Yettilik” mamlakatlari yetakchilari Yaponiyaning Mie prefekturasida 26—27-may kunlari bo‘lib o‘tadigan sammitda terrorizmga qarshi kurashish maqsadida kambag‘allik muammolarini hal etish va ta’lim olish imkoniyatini oshirish uchun chiqish qiladi. Bu haqda “TASS” xabar beradi .

Foto: “Nyu Inform”

Uchrashuv ishtirokchilari ba’zi odamlarni ekstremistlar safiga boshlayotgan ijtimoiy shart-sharoitlarga barham berish bo‘yicha harakatlar rejasini tasdiqlashi mumkinligi ta’kidlanmoqda. U, birinchi navbatda, aholining turmush darajasini oshirishni ko‘zda tutadi.
Sammit qatnashchilari, shuningdek, ekstremistlardan madaniy meros obyektlarini himoya qilish va madaniy boyliklarning qora bozorda aylanishi hisobidan terrorizmni moliyalashtirishning oldini olishda hamkorlik qilishga tayyor ekanligini bildirishni rejalashtirmoqda.
Batafsil | Подробно | Read more... Daryo