“Manchester Yunayted” — “Bornmut” o‘yini stadiondagi shubhali buyum tufayli noma’lum muddatga qoldirildi

Angliya chempionatining so‘nggi 38-turidan o‘rin olgan “Manchester Yunayted” – “Bornmut” uchrashuvi “Old Trafford”ning Shimoli-G‘arbiy qismidagi sektorlaridan birida topilgan shubhali paket tufayli o‘z vaqtida boshlanmadi. Bu haqda mankunianlarning Twitter’dagi rasmiy sahifasida ma’lum qilindi .

Foto: BBC Sport

Politsiya xodimlari stadionni ko‘zdan kechirib, muxlislarni evakuatsiya qilgan. Politsiya xizmatining tavsiyasiga ko‘ra, bugungi uchrashuv bekor qilindi va  noma’lum muddatga qoldirildi .
“‘Manchester Yunayted’ – ‘Bornmut’ uchrashuvi stadionda shubhali buyum topilganidan so‘ng politsiya xizmatining tavsiyasiga ko‘ra qoldirildi. Muxlislar va stadion xodimlarining xavfsizligini birinchi o‘ringa qo‘ygan ‘Manchester Yunayted’ va Premyer-liga o‘yinni bekor qilgani to‘g‘ri ish bo‘ldi. Premyer-liga uchrashuvni o‘tkazish muddatini imkon qadar tez muhlatda belgilab, bu haqda muxlislarga ma’lum qiladi. Muxlislarga tug‘dirilgan noqulayliklar uchun uzr so‘ragan holda, uchrashuv ularning xavfsizligi uchun bekor qilinganini tushunadi, degan umiddamiz”, – deyiladi Premyer-liganing Twitter’dagi rasmiy sahifasida.
Qayd etish joiz, “Manchester Yunayted” – “Bornmut” uchrashuvi Toshkent vaqti bilan 19:00 da boshlanishi rejalashtirilgan edi.
Batafsil | Подробно | Read more... Daryo