APL. “Arsenal” mavsumni kumush medallar bilan yakunladi

Futbol bo‘yicha Angliya Premyer-ligasining 2015/16-yilgi mavsumiga bugun, 15-may kuni rasman yakun yasalishi kerak edi. Biroq “Old Trafford” stadionidan topilgan shubhali paket tufayli, “Manchester Yunayted” va “Bornmut” klublari ishtirokidagi o‘yin noma’lum muddatga qoldirildi .

The Telegraph



“Lester” klubi o‘z tarixida birinchi bor Angliya chempionligini qo‘lga kiritdi


Premyer-liganing qolgan 18 jamoasi esa mavsumni rasman yakunladi. Chempionlik poygasida “Lester” bilan raqobatlasha olmagan Londonning “Tottenhem” klubi so‘nggi turda kumush medallarni hamshahri “Arsenal”ga boy berdi. Elita bilan o‘tgan turdayoq xayrlashib bo‘lgan “Nyukasl” maydonida saf tortgan “Tottenhem” 1:5 hisobida imkoniyatni boy berib qo‘ydi.
Qayd etish kerak, “Tottenhem” mavsum boshidan buyon 2 ta gol farqi bilan ham mag‘lub bo‘lmagandi. “Nyukasl” esa hisob 2:1 bo‘lib turganida, maydonda bir kishi kam qoldi va “Tottenhem” darvozasiga yana 3 ta gol urdi. Mazkur bellashuvda qizil kartochka olgan Aleksandr Mitrovichning goli joriy mavsum Premyer-ligada urilgan 1000-gol bo‘lib, qaydnomaga kirdi .
Maurisio Pochettino shogirdlarining ochko yo‘qotishidan esa Londonning boshqa bir klubi “Arsenal” foydalanib qoldi. Premyer-ligani so‘nggi o‘rinda yakunlagan “Aston Villa”ni qabul qilgan “to‘pchilar” 4:0 hisobida muvaffaqiyat qozondi va kumush medallarga ega chiqdi.
Chempionlar Ligasining so‘nggi yo‘llanmasi uchun kurash olib borgan Manchester klublaridan “Siti” Uelsda durang o‘ynadi. Qo‘lga kiritilgan 1 ochko Manuel Pelligrini jamoasiga kuchli to‘rtlikni 99 foizga kafolatladi. Yana bir foiz imkoniyatdan foydalanib qolish uchun “Yunayted” qoldirilgan o‘yinda “Bornmut”ni 19 ta gol farqi bilan mag‘lub etishi kerak bo‘ladi.
Shu tariqa, “Lester”, “Arsenal”, “Tottenhem” va katta ehtimol bilan “Manchester Siti” kelasi mavsumni Chempionlar Ligasida o‘tkazadi. “Sautgempton” hamda “Manchester Yunayted” Yevropa Ligasi bilan cheklanadi.
“Nyukasl”, “Norvich”, “Aston Villa” kabi jamoalar 2015/16-yilgi mavsum yakuniga ko‘ra Premyer-ligani tark etdi.


APL, 34-tur. “Aston Villa” 29 yildan keyin birinchi bor Premyer-liga bilan xayrlashdi


Angliya Premer-ligasi
38-tur bellashuvlari
15-may, yakshanba
“Arsenal” — “Aston Villa” 4:0
Gollar: Olivye Jiru, 5 (1:0). Olivye Jiru, 79 (2:0). Olivye Jiru, 80 (3:0). Mikel Arteta, 90+2 (4:0).
“Chelsi” — “Lester” 1:1
Gollar: Sesk Fabregas, 66-pen (1:0). Deniyel Drinkuoter, 80 (1:1).
“Everton” — “Norvich” 3:0
Gollar: Jeyms Makkarti, 19 (1:0). Leyton Beyns, 44-pen (2:0). Kevin Miralyas, 48 (3:0).
“Nyukasl” — “Tottenhem” 5:1
Gollar: Jorjinyo Veynaldum, 19 (1:0). Aleksandr Mitrovich, 39 (2:0). Erik Lamela, 60 (2:1). Jorjinyo Veynaldum, 73-pen (3:1). Rolando Aarons, 85 (4:1). Daril Yanmat, 86 (5:1).
Chetlatish: Aleksandr Mitrovich, 67 (N).
“Sautgempton” — “Kristal Pelas” 4:1
Gollar: Sadio Mane, 43 (1:0). Gratsiano Pelle, 61 (2:0). Jeyson Panchon, 64 (2:1). Rayan Bertrand, 75-pen (3:1). Stiven Devis, 87 (4:1).
“Stok Siti” — “Vest Hem” 2:1
Gollar: Maykl Antonio, 23 (0:1). Imbula Vanga, 55 (1:1). Mame Biram Diuf, 88 (2:1).
“Suonsi” — “Manchester Siti” 1:1
Gollar: Kelechi Ixeanacho, 5 (0:1). Andre Ayyu, 45+1 (1:1).
“Uotford” — “Sanderlend” 2:2
Gollar: Jek Roduell, 39 (0:1). Sebastyan Pryodl, 48 (1:1). Jermeyn Lens, 51 (1:2). Troy Dini, 61 (2:2).
“Vest Bromvich” — “Liverpul” 1:1
Gollar: Xose Salomon Rondon, 13 (1:0). Jordan Ayb, 23 (1:1).
“Manchester Yunayted” — “Bornmut” (qoldirildi)
Batafsil | Подробно | Read more... Daryo