Qamoqda 23 yil o‘tirganidan so‘ng aybsiz deb topilgan xitoylik salkam yarim million dollar tovon puli oladi

Xitoylik Chen Man xato chiqarilgan hukm sabab qamoqda 23 yil umrini o‘tkazgani uchun 2,75 million yuan (429 ming dollar) tovon puli oladi. Bu haqda “TASS” xabar bermoqda . 

Foto: EPA

Janubiy Xitoyning Xaynan provinsiyasi oliy xalq sudi rasmiy vakili Yan Syanvenning bildirishicha, 1,85 million yuan (288,6 ming dollar) jabrdiydaga 8437 kun mobaynida ozodlikdan mahrum etilgani uchun to‘lanadi. Mazkur summa mamlakat bo‘yicha kunlik o‘rtacha daromaddan kelib chiqib hisob-kitob qilingan. Tovon pulining qolgan qismi yetkazilgan ma’naviy zararni qoplash uchun mo‘ljallangan. 
Chen Man 1992-yil oxirida odam o‘ldirish va uyga o‘t qo‘yishda ayblanib, qamoqqa olingan hamda o‘lim jazosiga hukm qilingandi. Uning oilasi va advokatlar hukmni bekor qilish uchun kurashdi, mahbusning o‘zi qiynoqlar ostida ko‘rsatma berganligini bildirdi. 
2016-yil boshida Chjetszyan provinsiyasi oliy sudi uni aybsiz deb topdi, fevralda esa 53 yoshli Chen Man ozodlikka chiqdi. U rasmiylardan 9,66 million yuan (1,48 million dollar) talab qilgandi, biroq “vaqti va quvvatini shikoyatlarga sarflamasligi, yakuniy summadan hafsalasi pir bo‘lgan bo‘lsa-da, qabul qilishi”ni ma’lum qildi. 
Batafsil | Подробно | Read more... Daryo