Rossiya Bosh banki g‘aznasida oltinga o‘xshatib bo‘yab qo‘yilgan oddiy metall topilgan “Admiralteyskiy” bankini litsenziyadan mahrum qildi

Rossiya Bosh banki 11-sentabr, juma kuni “Admiralteyskiy” bankini litsenziyadan mahrum qildi. Bunday qarorga asos sifatida bankning ssudalar bo‘yicha ro‘y berishi mumkin bo‘lgan yo‘qotishlarni qoplash uchun yetarli zaxiraga ega emasligi ko‘rsatilgan. Bu haqda “Banki.ru” xabar bermoqda .

Foto: mynewsonline24.ru

 
Mazkur bank Rossiyadagi shunday muassasalar orasida o‘z aktivlari bo‘yicha 289-o‘rinda bo‘lgan. Yuqori likvidli aktivlari qatorida qiymati 400 million rublga teng qimmatbaho metallar ham qayd etilgan.
Bosh bank mutaxassislari avgust oyida o‘tkazilgan tekshiruv chog‘ida bank balansida ko‘rsatilgan qimmatbaho metallar mavjudligini gumon ostiga olgan. Ko‘p o‘tmay shubhalar tasdiqlandi: ular oltinga o‘xshatib bo‘yab qo‘yilgan oddiy metallarga duch kelgan.
Rossiya Bosh banki ushbu hodisa yuzasidan hozircha rasmiy izoh bermadi.
Batafsil | Подробно | Read more... Daryo