iPad Pro foydalanuvchilari iOS’ni yangilagandan so‘ng planshetlar qotib qolayotganidan shikoyat qildi

9,7 dyuymli iPad Pro foydalanuvchilari qurilmalarini iOS 9.3.2 versiyasigacha yangilash chog‘ida nosozliklar yuzaga kelayotganidan shikoyat qildi, deb yozadi TJournal.

Foto: TJournal

Yangi planshetlarning ba’zi foydalanuvchilari ta’kidlashicha, so‘nggi yangilanma o‘rnatilganidan keyin tizim tezda yuklanishdan to‘xtagan, buning o‘rniga ekranda “Qurilmani iTunes’ga ulang” degan xabar paydo bo‘lgan, biroq iOS’ni iTunes orqali qayta tiklash muammoni bartaraf etmagan.
MacRumors ma’lumotlariga ko‘ra, bu muammo iPad Pro 9,7’ning barcha egalarida ham kuzatilmagan, ammo ijtimoiy tarmoqlardagi shikoyatlar soniga qaraganda, u keng tarqalgan.
Vaziyat “56-xatolik” sifatida ma’lum bo‘lib, u uskunalardagi muammolar bilan bog‘liq. U yuzaga kelgudek bo‘lsa, kompaniya iTunes’ning eng yangi versiyasini o‘rnatishni, so‘ng original Lightning kabelidan foydalanib, qurilmani qayta tiklashga ikki marta urinib ko‘rishni tavsiya qiladi. Agar bu ham yordam bermasa, Apple ko‘mak markaziga murojaat qilish maslahat beriladi.
Batafsil | Подробно | Read more... Daryo