Iroqda maktab imtihonlari vaqtida ketma-ket ikkinchi marta butun mamlakat bo‘ylab internet o‘chirildi

Butun dunyo bo‘yicha internetni tadqiq qilish bilan shug‘ullanadigan DYN Research kompaniyasi Iroq hududida 14-, 15- va 16-may kunlari ertalab 5 dan 8 gacha internet ishlamaganini qayd etdi, deb yozadi TJournal.

Foto: AFP

Keyinroq ma’lum bo‘lishicha, Iroq hukumati ketma-ket ikkinchi yil maktab o‘quvchilari uchun imtihon o‘tkaziladigan vaqtda internetni butun mamlakat bo‘ylab o‘chirib qo‘ygan. Bu o‘quvchilar internetdan shpargalka sifatida foydalana olmasligini ko‘zlab qilingan.
Ma’lumotlarga ko‘ra, Iroq aloqa vazirligi mahalliy provayder va uyali aloqa operatorlarini internetni, jumladan mobil internetni ham bir necha soatga o‘chirib qo‘yishga to‘g‘ri kelishi haqida oldindan ogohlantirgan.
2015-yilda Iroq hukumati imtihonlar bahonasida birinchi marta butun mamlakatda internetni o‘chirgan edi. O‘shanda mahalliy blogerlar Amerikaning huquqni himoya qilish tashkiloti bilan hamkorlikda Iroq aloqa vaziriga rasmiy xat yozib, BMTning axborotga ega bo‘lish erkinligi to‘g‘risidagi moddasiga ko‘ra, mahalliy hukumat internetni har qanday sabab bilan bloklab qo‘yishga haqi yo‘qligini ta’kidlagan edi. Ammo hukumat murojaatni javobsiz qoldirgan edi.
Batafsil | Подробно | Read more... Daryo