Hillari Klinton Kentukkida bo‘lib o‘tgan praymerizda bazo‘r g‘alaba qozondi

AQSh sobiq Davlat kotibi Hillari Klinton va senator Berni Sanders 17-may, seshanba kuni Kentukki shtatida bo‘lib o‘tgan praymerizda deyarli durang natijaga erishdi. Bu haqda “TASS” xabar bermoqda .

Foto: AP

CNN ma’lumotlariga ko‘ra, byulletenlarning 99 foizi hisoblab chiqilgan va ularning yakunlariga ko‘ra, Klinton  47,2%, Sanders esa 46,2% ovoz to‘plagan. NBC kanali ham sobiq birinchi xonimning kichik ustunligini e’tirof etdi.
New York Times nashrining bildirishicha, Klintonda delegatlarning 2240 ovozi bor, u Demokratlar partiyasining yozda bo‘lib o‘tadigan syezdida AQSh prezidentligiga nomzod sifatida rasman ilgari surilishi uchun yana 143 ovoz olishi kifoya. Sanders delegatlarning 1473 ovozini yiqqan va endi unda raqibini quvib o‘tish imkoniyati qolmadi.
Batafsil | Подробно | Read more... Daryo