Qirg‘iziston sobiq bosh vazirining o‘g‘li davlat sirini oshkor qilgani uchun 12 yilga qamaldi

Bishkekning Pervomayskiy tuman sudi Qirg‘iziston sobiq bosh vazirining o‘g‘li Altinbek Muraliyevni xorijiy tashkilotlarga davlat siridan iborat ma’lumotlarni berib yuborgani uchun 12 yillik qamoqqa hukm qilindi, deb yozadi “RIA Novosti” mahalliy OAVlarga tayanib.

Foto: Flickr

Respublika hukumati apparatining xalqaro hamkorlik bo‘limi mudiri lavozimida ishlagan Muraliyev Qirg‘iziston maxsus xizmatlari tomonidan 2014-yil noyabrida qo‘lga olingan va Milliy xavfsizlik davlat qo‘mitasi tomonidan qo‘zg‘atilgan jinoyat ishi doirasida tergov izolyatorida saqlangan.
Muraliyevning o‘zi ish sudda ko‘rilayotgan vaqtda o‘zini aybdor deb tan olmadi va uni hibsga olinganidan keyingi dastlabki soatlarda bosim ostida tan oluvchi ko‘rsatmalar berishga majburlashganini aytdi. Muraliyevning advokatlari hukm ustidan keyingi instansiyaga shikoyat arizasi bermoqchi.
Altinbek Muraliyev mamlakat sobiq bosh vaziri Amangeldi Muraliyevning yolg‘iz o‘g‘lidir.
Batafsil | Подробно | Read more... Daryo