Noma’lum jangarilar Nigeriyada Italiyaning Eni kompaniyasiga tegishli gaz quvurini portlatdi

Noma’lum qurollangan jinoyatchilar Nigeriyada Italiyaning Eni kompaniyasiga tegishli gaz quvurini portlatib yubordi, deya xabar bermoqda “TASS” firma vakiliga tayanib.

Foto: Bloomberg

Uning ma’lum qilishicha, quvur portlashi natijasida kompaniya qazib oladigan neft hajmi bir sutkada ming barrelga qisqardi.
Qo‘poruvchilik harakati 15-may, yakshanba kuni Nigeriyaning asosiy neft qazib oluvchi hududi — Niger daryosi deltasida sodir etildi. Hujum Eni’ning Bayelsa shtati Ogbembiri shahridagi Agib sho‘ba korxonasining gaz quvuriga uyushtirildi.
Gaz quvurining ushbu qismi joriy yilda bir necha marta jangarilar hujumiga uchradi. Niger deltasidagi neft quvurlariga odatda Nigeriyaning yangi isyonchi guruhi — Niger Delta Avengers (“Niger deltasi qasoskorlari”) hujum uyushtiradi. Xususan, may boshida radikallar Amerikaning Chevron kompaniyasiga tegishli neft platformasini portlatgan edi.
Batafsil | Подробно | Read more... Daryo