Fransiya raketaga qarshi mudofaa tizimini NATOga topshirishni ma’qullashdan bosh tortdi

Fransiya hukumati raketaga qarshi mudofaa tizimlarini NATO nazorati ostiga topshirishni ma’qullamadi, deb yozadi “RBK”. Parij tizimni AQSh emas, alyans boshqarishi bo‘yicha kafolatga ega bo‘lishni istaydi.

Foto: AFP

Fransiya hukumati vakillari Parijning pozitsiyasi Moskvaning noroziligi (Rossiya ushbu raketaga qarshi mudofaa tizimi qurilishiga qarshilik bildirmoqda) bilan emas, tizim NATO tomonidan real tarzda boshqarilishi va nazorat qilinishi imkoniyati bilan bog‘liqligini ma’lum qildi.
Amerika tomoni NATOning iyulda Varshavada bo‘lib o‘tadigan sammitida raketaga qarshi mudofaa tizimi ustidan tezkor nazoratni alyansga topshirish haqida e’lon qilinmasa, Rossiya buni zaiflik belgisi sifatida qabul qilishidan xavotir olmoqda. Fransiya va NATO vakillari ta’kidlashicha, iyulgacha bitimga erishilmasa, nazorat qiluvchi funksiyalarni topshirish keyinroqqa suriladi.
Batafsil | Подробно | Read more... Daryo