Google kompaniyasi Android N mobil tizimining yangi versiyasini rasman taqdim etdi, deb yozadi “Hi-tech.mail.ru”. Ishlab chiquvchilar uchun Google I/O konferensiyasida kompaniya tizimdagi yangi xususiyatlar haqida gapirib berdi. Shuningdek, kompaniya o‘zining ovozli yordamchisi, messenjeri, u uchun yordamchi qurilma va boshqalarni namoyish etdi.
Android N
Foto: “Hi-tech.mail.ru”
Google’ning mobil tizimi yangi versiyasida xavfsizlik darajasi ancha oshirildi. SafetyNet himoya dasturi paydo bo‘ldi, u har qanday manbalardan o‘rnatilayotgan barcha dasturlarni tekshiradi. Tizim dasturlarning shubhali versiyalarini Google Play’dagisi bilan taqqoslagan holda o‘zi o‘chiradi.
Dasturlar endi ikki marta kichikroq hajmda bo‘ladi va 75 foizga tezroq o‘rnatiladi. Ko‘p vazifalilik faoliyati yaxshilandi. Shuningdek, barcha dasturlarni bitta tugma bilan yopish mumkin.
Ikkita oyna bilan ishlash hamda “rasm ichida rasm” rejimi paydo bo‘ldi. Tizim siz ancha vaqtdan buyon foydalanmayotgan dasturlarni ko‘rsatadi.
Google Assistant
Google assistant iOS’dagi Siri’ning “hamkasbi”ga aylanadi. Yordamchi dialog shaklida ishlaydi. Siz asosiy savolni yordamchiga berib, so‘ng javob uchun qo‘shimcha shartlar yoki parametrlarni aniqlashtirishingiz mumkin.
Masalan, “Kinoteatrlarda nimalar ketyapti?” — deb so‘rashingiz mumkin, yordamchi esa sizga yaqin kunlar uchun kinoteatrlar jadvalini ko‘rsatadi. Keyin “Bolalar uchun biror narsa bormi?” — deya aniqlashtirish mumkin, shunda u sizga multfilmlarni ko‘rsatadi, shuningdek, chipta sotib olishni taklif qiladi.
Muloqot chog‘ida foydalanuvchi turgan joy va muhit hisobga olinadi. Masalan, qandaydir tarixiy yodgorlik yonida turgan holda “Buni kim qurgan?” — deb so‘rasangiz, u sizga bu haqda batafsil ma’lumot beradi.
Google Home
Foto: “Hi-tech.mail.ru”
Google’ning yangi qurilmasi “aqlli” uyni boshqarish tizimi uchun ishlatiladi: xonalardagi chiroqlarni o‘chirib-yoqadi, audiotizimni, televizorni boshqaradi va hokazo.
Google Home foydalanuvchining ovozli buyruqlari va so‘rovlariga javob beradi. U ob-havo haqida ma’lumot berishi, budilnikni qo‘yishi, musiqani yoqishi va internetda ma’lumot qidirishi mumkin.
Allo messenjeri
Foto: “Hi-tech.mail.ru”
Xabarlar almashish uchun yangi servis “aqlli”ligi bilan ajralib turadi. Messenjer suhbatdoshning oddiy savollariga tezkor javoblar variantlarini taklif qiladi. Shuningdek, dastur orqali Google Assistant virtual yordamchi bilan muloqot qilish mumkin. U ma’lumotlar, rasmlar qidirib topishi, savollarga javob berishi, restoranlarda joy buyurtma qilishi, chiptalar sotib olishi mumkin.
Daydream VR-platformasi
Foto: “Hi-tech.mail.ru”
Google kompaniyasi Android N operatsion tizimida ishlovchi smartfon va planshetlar uchun virtual reallikda dasturlar ishlab chiqish uchun o‘z platformasini namoyish qildi.
Yangi VR-shlem konseptini ko‘rsatishdi, u Google Cardboard’ning takomillashtirilgan variantidir. Shuningdek, virtual reallikda ishlash uchun kontroller-pult taqdim etildi.
Android Wear 2.0
Foto: “Hi-tech.mail.ru”
Android’ning “aqlli” soatlar uchun yangi versiyasi taqdim etildi. Endi ularning smartfonga bog‘liqligi kamroq bo‘ladi. Buning uchun Wi-Fi yoki ichki SIM-karta orqali mobil internet aloqasi kerak bo‘ladi.
Matn kiritishning yangi usullari paydo bo‘ldi, bular — ekran klaviaturasi, qo‘lda yozish, shuningdek, “aqlli” javoblar. Shuningdek, sport bilan shug‘ullanish uchun funksiyalar kengaytirildi.
Batafsil | Подробно | Read more... Daryo
Related News
Top News
-
Yuridik shaxslar uchun elektr va gaz iste’moliga oshuvchi koeffitsiyent joriy etilishi mumkin .
Yuridik shaxslar uchun belgilangan limitning 10 foizidan ortig‘i miqdorida gaz yoki elektr energiyasi iste’moli uchun oshuvchi koeffitsiyentlar...
-
May oyi uchun inflatsiya darajasi e’lon qilindi .
Iste’mol sektoridagi narxlarning yillik o‘sish darajasi 10,6 foizga yetgan..
-
Рюдигер: "Агар ғолиб бўлишни истасангиз, "Реал"га ўтинг"
"Реал Мадрид" марказий ҳимоячиси Антонио Рюдигер "қироллик" клубига ўтиши ҳақида гапирди.
-
"Боруссия Дортмунд" сўнгги 10 йилликнинг энг яхши натижасини кўрсатди
Шанба куни Лондондаги "Уэмбли" стадионида Чемпионлар Лигаси финалида "Дортмунд" ва "Реал Мадрид" ўзаро тўқнаш келди ва унда "қироллик клуби"...
-
"Бавария" Дэвис бўйича бир қарорга келди
Журналист Флориан Плеттенберг ижтимоий тармоқларда "Бавария" ҳимоячиси Альфонсо Дэвиснинг келажаги ҳақидаги янгиланган маълумотлари билан бўлишди.
-
Toshkentda 1 iyun kuniga rejalashtirilgan «Tekinga narsa tarqatish» kabi turli aksiyalar to‘xtatildi.
IIV xabariga ko‘ra, Ashxobod bog‘ida yuzaga kelgan tiqilinchda jarohatlanganlar aniqlanmagan, tobi qochganlar haqida ma’lumot kelib tushmagan..