Google kompaniyasi Android N mobil tizimining yangi versiyasini rasman taqdim etdi, deb yozadi “Hi-tech.mail.ru”. Ishlab chiquvchilar uchun Google I/O konferensiyasida kompaniya tizimdagi yangi xususiyatlar haqida gapirib berdi. Shuningdek, kompaniya o‘zining ovozli yordamchisi, messenjeri, u uchun yordamchi qurilma va boshqalarni namoyish etdi.
Android N
Foto: “Hi-tech.mail.ru”
Google’ning mobil tizimi yangi versiyasida xavfsizlik darajasi ancha oshirildi. SafetyNet himoya dasturi paydo bo‘ldi, u har qanday manbalardan o‘rnatilayotgan barcha dasturlarni tekshiradi. Tizim dasturlarning shubhali versiyalarini Google Play’dagisi bilan taqqoslagan holda o‘zi o‘chiradi.
Dasturlar endi ikki marta kichikroq hajmda bo‘ladi va 75 foizga tezroq o‘rnatiladi. Ko‘p vazifalilik faoliyati yaxshilandi. Shuningdek, barcha dasturlarni bitta tugma bilan yopish mumkin.
Ikkita oyna bilan ishlash hamda “rasm ichida rasm” rejimi paydo bo‘ldi. Tizim siz ancha vaqtdan buyon foydalanmayotgan dasturlarni ko‘rsatadi.
Google Assistant
Google assistant iOS’dagi Siri’ning “hamkasbi”ga aylanadi. Yordamchi dialog shaklida ishlaydi. Siz asosiy savolni yordamchiga berib, so‘ng javob uchun qo‘shimcha shartlar yoki parametrlarni aniqlashtirishingiz mumkin.
Masalan, “Kinoteatrlarda nimalar ketyapti?” — deb so‘rashingiz mumkin, yordamchi esa sizga yaqin kunlar uchun kinoteatrlar jadvalini ko‘rsatadi. Keyin “Bolalar uchun biror narsa bormi?” — deya aniqlashtirish mumkin, shunda u sizga multfilmlarni ko‘rsatadi, shuningdek, chipta sotib olishni taklif qiladi.
Muloqot chog‘ida foydalanuvchi turgan joy va muhit hisobga olinadi. Masalan, qandaydir tarixiy yodgorlik yonida turgan holda “Buni kim qurgan?” — deb so‘rasangiz, u sizga bu haqda batafsil ma’lumot beradi.
Google Home
Foto: “Hi-tech.mail.ru”
Google’ning yangi qurilmasi “aqlli” uyni boshqarish tizimi uchun ishlatiladi: xonalardagi chiroqlarni o‘chirib-yoqadi, audiotizimni, televizorni boshqaradi va hokazo.
Google Home foydalanuvchining ovozli buyruqlari va so‘rovlariga javob beradi. U ob-havo haqida ma’lumot berishi, budilnikni qo‘yishi, musiqani yoqishi va internetda ma’lumot qidirishi mumkin.
Allo messenjeri
Foto: “Hi-tech.mail.ru”
Xabarlar almashish uchun yangi servis “aqlli”ligi bilan ajralib turadi. Messenjer suhbatdoshning oddiy savollariga tezkor javoblar variantlarini taklif qiladi. Shuningdek, dastur orqali Google Assistant virtual yordamchi bilan muloqot qilish mumkin. U ma’lumotlar, rasmlar qidirib topishi, savollarga javob berishi, restoranlarda joy buyurtma qilishi, chiptalar sotib olishi mumkin.
Daydream VR-platformasi
Foto: “Hi-tech.mail.ru”
Google kompaniyasi Android N operatsion tizimida ishlovchi smartfon va planshetlar uchun virtual reallikda dasturlar ishlab chiqish uchun o‘z platformasini namoyish qildi.
Yangi VR-shlem konseptini ko‘rsatishdi, u Google Cardboard’ning takomillashtirilgan variantidir. Shuningdek, virtual reallikda ishlash uchun kontroller-pult taqdim etildi.
Android Wear 2.0
Foto: “Hi-tech.mail.ru”
Android’ning “aqlli” soatlar uchun yangi versiyasi taqdim etildi. Endi ularning smartfonga bog‘liqligi kamroq bo‘ladi. Buning uchun Wi-Fi yoki ichki SIM-karta orqali mobil internet aloqasi kerak bo‘ladi.
Matn kiritishning yangi usullari paydo bo‘ldi, bular — ekran klaviaturasi, qo‘lda yozish, shuningdek, “aqlli” javoblar. Shuningdek, sport bilan shug‘ullanish uchun funksiyalar kengaytirildi.
Batafsil | Подробно | Read more... Daryo
Related News
Top News
-
"Астон Вилла" "Ювентус" ярим ҳимоячисини сотиб олмоқчи
"Ювентус" ярим ҳимоячиси Уэстон Маккенни "Астон Вилла" сафига қўшилиши мумкин.
-
“Bitkoin, notkoin va kriptovalutalar bilan muomala shar’an joiz emas” – Fatvo hay’ati.
O‘zbekiston musulmonlari idorasi Fatvo markazi Islom dinida bitkoin, notkoin va boshqa shu kabi kriptovalutalarda savdo-sotiq qilishga munosabat...
-
Беллингем "Боруссия"га фойда келтиришда давом этмоқда
Ўтган дам олиш кунлари Чемпионлар лигасининг финал учрашуви "Реал" ва "Боруссия" ўртасида бўлиб ўтди.
-
FT: Rossiya va Xitoy gaz narxi borasida kelishmovchiliklarga ega.
Xitoy «Sibir qudrati 2»dan gazga narxni Rossiya Federatsiyasidagi ichki narxlar darajasida belgilashni talab qildi, deb yozadi FT. Moskva bunga...
-
Де Брюйне "Манчестер Сити"ни тарк этиши мумкин
"Манчестер Сити" ярим ҳимоячиси Кевин Де Брюйне ёзги трансфер ойнасида жамоасини тарк этиши мумкин.
-
Фергюсон "МЮ"нинг трансферларини ҳал қиляптими?
"Манчестер Юнайтед"нинг собиқ бош мураббийи Алекс Фергюсон "Кристал Пэлас" спорт директори Даги Фридман билан уч футболчининг "Олд Траффорд"га...