OAV dengizda EgyptAir kompaniyasi bortiga oid qutqaruv nimchalari topilganini ma’lum qildi

Gretsiya qutqaruvchilari qidiruv operatsiyasi chog‘ida dengizdan Misrning EgyptAir kompaniyasiga tegishli A320 avialayneri bortiga oid qutqaruv nimchalari topilganini ma’lum qildi. Bu haqda, Reuters agentligiga asoslanib, “TASS” xabar bermoqda .

Foto: EPA

Germaniyaning ARD telekanali Gretsiya rasmiylari ushbu axborotni tasdiqlaganini uqtirmoqda.
Ilgariroq ochiq dengizdan laynerga oid deb taxmin qilinayotgan ikkita bo‘lak topilgani xabar qilingan edi .
Parijdan Qohiraga uchayotgan samolyot Gretsiya havo hududiga kirgandan 20 daqiqa o‘tib, radarlardan g‘oyib bo‘ldi. MS804 reysi bortida 56 nafar yo‘lovchi (ulardan uch nafari bola) va o‘n nafar ekipaj a’zosi bor edi. Ularning taqdiri hozircha noma’lum.
“Mayadin” telekanali, EgyptAir aviakompaniyasidagi manbasiga tayanib, samolyot O‘rta Yer dengiziga qulaganini bildirgandi .
Misr fuqarolik aviatsiyasi vazirligi EgyptAir kompaniyasining A320 samolyoti halokatga uchraganini rasman tasdiqladi .
Batafsil | Подробно | Read more... Daryo