AQShda sud Tramp sharafiga bayroq ko‘targan fuqaroni qamab o‘tirmadi

Amerikaning Nyu-Jersi shtati Uest-Long-Branch shahri sudi mahalliy fuqaro AQSh prezidentligiga Respublikachilar partiyasidan da’vogar Donald Trampni qo‘llab-quvvatlash belgisi sifatida o‘z uyidagi maysazorga bayroq o‘rnatgani uchun uni qamab yoki jarimaga tortib o‘tirmadi, deb yozadi “TASS”.

Foto: “Phillipsflags.com”

Jozef Xornikdan ayblovlar olib tashlandi. U Uest-Long-Branch shahar kengashining birlamchi saylovlar (praymeriz)ga 30 kun qolmagunicha siyosiy tashviqotni taqiqlash to‘g‘risidagi buyrug‘ini buzishda ayblangan edi. Nyu-Jersidagi praymeriz 7-iyunda bo‘lib o‘tadi. Xornik jinoyat ustida 25-martda qo‘lga tushgan edi, uni Demokratik partiya tarafdori bo‘lgan qo‘shnisi “chaqib berdi”.
Shahar kengashi taqiq doirasida maysazorga yoki uy yonidagi yog‘ochga o‘rnatilgan bayroqlarni farqlamaydi. Ammo amerikalikning advokati ushbu nyuans shahar boshliqlari buyrug‘ida aniq qilib ko‘rsatilmaganini isbotlashga muvaffaq bo‘ldi. Sudya buyruqdagi jumla mujmal ekanligiga qo‘shildi va “huquq tantanasi uchun” ishni yopdi.
Xornik uch oyga qamalishi va 2 ming dollar jarimaga tortilishi mumkin edi.
Batafsil | Подробно | Read more... Daryo