“Madaniyat sohasi menejmenti” yozgi maktabida ishtirok etish uchun arizalar qabul qilinmoqda

Gyote institutining O‘zbekistondagi vakolatxonasi hamda OXUS Culture tashkiloti yozgi maktabga qabul e’lon qiladi. Bu haqda OXUS Culture tashkiloti matbuot xizmati “Daryo”ga ma’lum qildi.

Foto: O‘zA

Yozgi maktab shu yilning 14—24-iyun kunlari Buxoro shahrida bo‘lib o‘tadi. Yozgi maktab dasturidan

madaniyat sohasi menejmentining zamonaviy uslublari;
jamoat bilan ishlashning turli ko‘rinishlari;
loyiha amaliyoti;
hamkorlik aloqalarini yaratish;
va shu yo‘nalishdagi amaliy mashg‘ulotlar joy olgan.

Bundan tashqari, ishtirokchilarning mustaqil ishlarini mazmunan boyitish maqsadida mahalliy madaniyat muassasalari va tarixiy yodgorliklarga sayohat uyushtirish ko‘zda tutilgan. Tajriba almashinish va hamkorlik aloqalarini o‘rnatish maqsadida, xalqaro doiralarda madaniyat sohasida faoliyat olib borayotgan loyiha menejerlari bilan uchrashuvlar ham dasturga kiritilgan. Mashg‘ulotlar asosan o‘zbek tilida olib boriladi va zarur holatlarda rus tilida izoh beriladi.
Yozgi maktabda ishtirok etish uchun egallab turgan lavozimi, asosiy ma’lumoti va jinsidan qat’i nazar, 25 yoshdan 35 yoshgacha bo‘lgan, madaniyat va san’at sohasida kamida 3 yillik tajribaga ega bo‘lgan mutaxassislar taklif etiladi.
 
Batafsil | Подробно | Read more... Daryo