Ukraina korxonasi O‘zbekistonda qandolat mahsulotlari ishlab chiqaruvchi fabrikani ishga tushirish masalasini ko‘rib chiqadi

Joriy yilning 16-may kuni “O‘zbekoziqovqatxolding” xolding kompaniyasida Ukrainaning Golden Fruit Ltd qandolatchilik mahsulotlari korxonasi ta’sischisi Ivan Galambitsa bilan uchrashuv bo‘lib o‘tdi. Bu haqda “O‘zbekoziqovqatxolding” xolding kompaniyasi matbuot xizmati xabar berdi .

Foto: Golden Fruit Ltd

Bir guruh mutaxassislar ishtirokida o‘tkazilgan yig‘ilishda XK oldida turgan galdagi vazifalar, investitsion imkoniyatlar, korxonalar tashkil etilishi uchun berilayotgan imtiyoz va preferensiyalar, tizimni modernizatsiyalash yo‘lida amalga oshirilayotgan ishlar, shuningdek, bir qator yangi loyihalar haqida ham ma’lumot berilib, Golden Fruit Ltd qandolatchilik mahsulotlari korxonasi bilan hamkorlikni yo‘lga qo‘yish ikki tomon uchun ham birdek manfaatli ekanligi ta’kidlandi.
Golden Fruit Ltd korxonasining bir sutkalik mahsulot ishlab chiqarish quvvati 30 tonnani tashkil etib, bugungi kunda u dunyoning ko‘plab mamlakatlari bilan hamkorlik qilib kelmoqda. Ivan Galambitsa O‘zbekistonda korxonalar tashkil etilishi uchun qulay investitsion muhit yaratilganligi bois, qandolat mahsulotlari ishlab chiqaruvchi fabrikani ishga tushirish masalasini ko‘rib chiqishini ham ta’kidlab o‘tdi.
Batafsil | Подробно | Read more... Daryo