Toshkentda militsiya mashinasi temiryo‘l kesishmasi oldidagi tirbandlikni qarama-qarshi qatnov qismiga chiqib aylanib o‘tdi

Toshkentdagi Sodiqjon Tolipov va Lokomotiv ko‘chalarini ajratib turuvchi temiryo‘l kesishmasi oldida yuzaga kelgan tirbandlikni militsiya mashinasi qarama-qarshi qatnov qismiga chiqqani holda aylanib o‘tdi. Bu haqda Facebook’dagi “Voditeli Tashkenta” guruhida fotoxabar qoldirilgan .

Foto: Facebook / “Voditeli Tashkenta”

Fotosurat yomg‘irli kunda olingan, lekin aynan qaysi sanada olingani ma’lum emas. Suratda militsiya mashinasining davlat raqam belgisi ko‘rinmagan, ustidagi miltillovchi ko‘k va qizil chiroqlari yoniq turgani sezilmaydi.
Bu surat mazkur temiryo‘l kesishmasi oldidagi tirbandlik vaqtida haydovchilar navbatdagi marta yo‘lning qarama-qarshi qatnov qismiga chiqib ketgani haqidagi fotoxabarga javoban e’lon qilingan. Surat muallifi: “Tartib posbonlarining o‘zi qoidalarga rioya etmagunicha, oddiy haydovchilar ham qoida buzaveradi”, — qabilida izoh yozib qoldirgan.

Foto: Facebook / “Voditeli Tashkenta”

Sodiqjon Tolipov va Lokomotiv ko‘chalarini ajratib turuvchi temiryo‘l kesishmasi oldidagi tirbandlik vaqtida avtomobillar qarama-qarshi qatnov qismiga chiqib ketgani haqida avval ham xabar berilgan , xususan, bir safar avtobus o‘z yo‘lovchisini qarama-qarshi qatnov qismida tushirgani , boshqa safar esa Matiz poyezd ostida qolib ketishiga bir bahya qolgani ma’lum qilingan edi.
Ma’lumot uchun, Ma’muriy javobgarlik to‘g‘risidagi kodeksning 130-moddasi 1-qismiga muvofiq , haydovchilarning temiryo‘l o‘tish joylaridan o‘tish qoidalarini buzishi eng kam ish haqining uch baravari (20-may holatiga ko‘ra — 390 720 so‘m) miqdorida jarima solinishiga sabab bo‘ladi.


Foto: Toshkentda o‘quv-mashq mashinasi ishtirokida YTH yuz berdi



Foto: Toshkentda yuk mashinasi bilan to‘qnashgan Matiz’ning old qismi yo‘q bo‘lib ketdi, qurbonlar bor



Batafsil | Подробно | Read more... Daryo