Hissiyotlarni tushuna oladigan birinchi robotga Android tizimi o‘rnatiladi

Inson hissiyotlarini qabul qila oladigan Pepper robotiga (uning ko‘ksida joylashgan planshetga) Android operatsion tizimi o‘rnatiladi, deb yozadi N+. Bu ishlab chiquvchilarga robot uchun dasturlarni mustaqil tarzda yozish imkoniyatini beradi.

Foto: Bloomberg

Robotni yaratgan Yaponiyaning SoftBank kompaniyasi ma’lum qilishicha, shu tariqa, Android kompaniyaning o‘z operatsion tizimi — Naoqi bilan parallel ravishda ishlaydi, u esa robotning qolgan apparat ta’minotini nazorat qiladi.
Kompaniya vakillari so‘zlariga ko‘ra, bu mutaxassislarni jalb qilish, shuningdek, auditoriya ko‘lamini kengaytirib, daromadni ko‘paytirishga yordam beradi. Ishlab chiquvchilar mustaqil ravishda Android bazasida dasturlar yozishi mumkin, ammo bu Google kompaniyasiga chiqarilayotgan dasturlarni nazorat qilish imkoniyatini beradi, chunki operatsion tizimga aynan u egalik qiladi.
Pepper roboti inson hissiyotlarini tushuna oladigan dunyodagi birinchi robot deb e’lon qilingan. Suhbatdoshining so‘zlari va yuz ifodasiga qarab, u uning kayfiyatini aniqlaydi va javob hissiyotlarini sintez yo‘li bilan hosil qiladi, bu robot tomonidan imo-ishora va tovush ohangi yordamida ifodalanadi.
Batafsil | Подробно | Read more... Daryo