2017-yilda Toshkentda Koreys madaniyati va san’ati uyi qurib bitkaziladi

O‘zbekistonga rasmiy tashrif bilan kelgan Koreya bosh vaziri Xvan Gyo An 20-may kuni Toshkentda Koreys madaniyati va san’ati uyi qurilishi ishlarining boshlanishiga bag‘ishlangan marosimda ishtirok etdi. Bu haqda UZ24 xabar bermoqda .

Foto: UZ24

2017-yilda qurib bitkazilishi mo‘ljallanayotgan Koreys madaniyati va san’ati uyi koreys xalqining boy madaniyati va o‘ziga xos san’ati, urf-odatlari va an’analarini saqlash va targ‘ib qilish uchun qulay zamin yaratadi.
“Mamlakatlarimiz jo‘g‘rofiy jihatdan bir-biridan uzoq bo‘lsa-da, madaniyatimiz va an’analarimiz o‘xshash, xalqlarimizning fazilatlari va maqsadlari mushtarak. Janubiy Koreya bilan O‘zbekiston o‘rtasida 1992-yilda diplomatik aloqalar o‘rnatilganidan so‘ng qisqa fursatda ikki tomonlama munosabatlar strategik hamkorlikning yuksak darajasiga ko‘tarilgani bizni juda quvontiradi”, — dedi Koreya bosh vaziri Xvan Gyo An.
Koreys madaniyati va san’ati uyini tashkil qilish to‘g‘risida O‘zaro anglashuv memorandumi Koreya Respublikasi Prezidentining 2014-yil iyun oyidagi O‘zbekistonga davlat tashrifi doirasida imzolangan edi.
Batafsil | Подробно | Read more... Daryo