Afg‘onistonlik velosipedchilar Pan Gi Munga milliy libos kiydirdi va tinchlik maktubini topshirdi (video)

Tinchlikni qo‘llab-quvvatlash maqsadida velosipedda dunyo kezayotgan afg‘onistonlik faollar BMT bosh kotibi Pan Gi Munning egniga milliy xil’at kiydirib, siyosatchiga tinchlik maktubini topshirdi. Bu haqda BMT Yangiliklar markazi xabar bermoqda .

Nodirshoh va Feruzxon Nyu-Yorkda. Foto: BMT Yangiliklar markazi

Pan Gi Mun afg‘onistonlik velosipedchilar — Nodirshoh Nangarxariy va uning 17 yoshli o‘g‘li Feruzxon bilan BMTning Nyu-Yorkdagi shtab-kvartirasida uchrashdi.
“Biz, Afg‘oniston xalqi, boshqa millatlar bilan tinchlikda yashashni istaymiz. Biz o‘z o‘zligimizni hamda butun dunyoda tinchlik bo‘lishini xohlaymiz”, — deyiladi BMT rahbariga topshirilgan tinchlik maktubida.



Ota-o‘g‘il tinchlikparvar aksiya doirasida Turkiya, Bolgariya, Serbiya, Vengriya, Avstriya, Chexiya, Germaniya, Daniya, Norvegiya, Belgiya, Fransiya va Buyuk Britaniyada bo‘lishga ulgurdi. AQShga kelganidan so‘ng ular dastlab Vashingtonda to‘xtadi, so‘ng Nyu-Yorkka keldi. U yerdan velosipedchilar Los-Anjelesga yo‘l oladi va shu bilan Avstraliyaga o‘tib ketadi.
Batafsil | Подробно | Read more... Daryo