Futbol bo‘yicha O‘zbekiston olimpiya termasining OCh saralashidagi raqiblari ma’lum bo‘ldi

12-sentabr kuni Qatarning Doha shahrida 2016-yilning yanvar oyida bo‘lib o‘tadigan Osiyo chempionati U-23 final bosqichi uchun qur’a tashlash marosimi bo‘lib o‘tdi. Bu haqda O‘zbekiston futbol federatsiyasi matbuot xizmati xabar bermoqda .

Foto: the-afc.com

Qur’a natijalariga ko‘ra, O‘zbekiston olimpiya terma jamoasi “C” guruhidan joy oldi. Ushbu guruhda Viktor Jalilov boshchiligidagi terma jamoaga Janubiy Koreya, Iroq hamda Yaman terma jamoalari raqiblik qiladi.
Quyida barcha guruhlar qanday ko‘rinish olganini keltirib o‘tamiz:
A guruhi: Qatar, Suriya, Eron, Xitoy
B guruhi: Saudiya Arabistoni, Yaponiya, KXDR, Tailand
C guruhi: Iroq, Janubiy Koreya, O‘zbekiston, Yaman
D guruhi: Iordaniya, Avstraliya, BAA, Vyetnam
Eslatib o‘tamiz, 23 yoshgacha bo‘lgan futbolchilar o‘rtasidagi Osiyo chempionati kelasi yilning 12—30-yanvar kunlari Qatar poytaxti Dohada bo‘lib o‘tadi.
Batafsil | Подробно | Read more... Daryo