Tojikistondagi Ramit darasida yana to‘rt terrorchi qo‘lga olindi

Tojikiston huquqni himoya qilish organlari Ramit darasidagi aksilterrorchilik operatsiyasi chog‘ida yana to‘rt jangarini qo‘lga tushirdi, deya xabar bermoqda “TASS” respublika ichki ishlar vazirligiga tayanib.

Foto: mail.ru

Darada maxsus operatsiya davom etmoqda. Operatsiya davomida guruhning jami 110 a’zosi qo‘lga olingan, 22 jangari yo‘q qilingan.
Avvalroq Tojikiston huquqni muhofaza qilish idoralari xodimlari mamlakat mudofaa vaziri sobiq o‘rinbosari Abduhalim Nazarzodaning qolgan tarafdorlarini qurshovga olgani xabar berilgan edi . Ramit darasidagi maxsus operatsiya o‘tkazilayotgan hududga Mudofaa vazirligining harbiy vertolyotlari va qo‘shimcha harbiy bo‘linmalar yuborilgan.
Eslatib o‘tamiz, Tojikiston Ichki ishlar vazirligi 4-sentabr kuni iste’foga chiqarilgan mudofaa vazirining o‘rinbosari Abduhalim Nazarzodani mudofaa vazirligining Dushanbedagi markaziy tuzilmasi hamda Vahdat shahri ichki ishlar bo‘limiga hujum uyushtirishda  ayblagan edi.
Batafsil | Подробно | Read more... Daryo