VietJet 11,3 mlrd dollar evaziga 100 ta Boeing samolyotini xarid qilish bo‘yicha kelishuvni imzoladi

Vyetnamning VietJet aviakompaniyasi Boeing kompaniyasidan 11,3 milliard dollar evaziga 100 ta Boeing 737 Max 200 yo‘lovchi samolyotini xarid qilish bo‘yicha kelishuvni imzoladi. Bu haqda “Kommersant” xabar bermoqda . 

Foto: AP

Hujjat, Oq uy vakillari ta’biriga ko‘ra, “o‘tmishga emas, kelajakka ko‘z tikkan” mamlakatga ilk bor tashrif buyurgan AQSh prezidenti Barak Obama ishtirokida imzolandi. 
Ekspertlar Vyetnamga ta’sirini o‘tkazish uchun qurol-yarog‘ning asosiy yetkazib beruvchisi Rossiya, bosh iqtisodiy sherik Xitoy va Pekin bilan hududlar uchun tortishuvda Xanoyni qo‘llab-quvvatlayotgan AQSh o‘rtasida faol raqobat ketayotganini bildirmoqda.
Oldinroq AQSh Vyetnamga qurol-aslahalar yetkazishga qo‘yilgan taqiqni olib tashlagani xabar berilgandi .
Batafsil | Подробно | Read more... Daryo