“Bunyodkor” stadionidagi qora an’ana “Lokomotiv” tomonidan yo‘qqa chiqarildi

Toshkentdagi “Bunyodkor” stadioni Osiyo Chempionlar Ligasi musobaqasi doirasida va nihoyat O‘zbekiston klubi tomonidan urilgan golga guvohlik qildi. Uzoq kutilgan gol mazkur stadionda uy uchrashuvlarini o‘tkazuvchi “Bunyodkor” klubi tomonidan emas, poytaxtning boshqa bir klubi — “Lokomotiv” futbolchilari tomonidan urildi.

Foto: “Lokomotiv” FK matbuot xizmati



“Lokomotiv” o‘z tarixida ilk bor OChL chorak finaliga chiqdi


Qayd etish kerak, Osiyo Chempionlar Ligasining guruh bosqichi va undan keyingi pley-off o‘yinlarining “Bunyodkor” stadioni ishga tushirilgandan buyon o‘tkazilgan ketma-ket 10 ta bellashuvida O‘zbekiston klublariga gol urish nasib qilmagandi . Bu qora an’ana “Lokomotiv” himoyachisi Islom To‘xtaxo‘jayev tomonidan yo‘qqa chiqarildi.
“Lokomotiv” klubi murabbiyi Andrey Miklyayev “Bunyodkor” stadionidagi “An-Nasr”ga qarshi o‘yindan keyin Chempionlar Ligasining 1/8 finali “Lokomotiv” stadionida o‘tishini istashi haqida aytib o‘tganiga qaramay, “Al-Hilol” bilan uchrashuvga baribir “Bunyodkor” stadioni mezbonlik qildi. Bellashuv “temiryo‘lchilar”ning 2:1 hisobidagi g‘alabasi bilan yakuniga yetgach Andrey Miklyayev chorak final qaysi stadionda o‘tishini istashi haqida to‘xtalmadi.


“Bunyodkor” stadionida qachon gol uriladi?


OChL guruh bosqichi va undan keying pley-offining “Bunyodkor” stadioni mezbonlik qilgan barcha o‘yinlari:
2013-yil
2-aprel
“Bunyodkor” (O‘zbekiston) — “Beytszing Goan” (Xitoy) 0:0
23-aprel
“Bunyodkor” (O‘zbekiston) — “Sanfrechche Xirosima” (Yaponiya) 0:0
21-may
“Bunyodkor” (O‘zbekiston) — “Buriram Yunayted” (Tailand) 0:0
2015-yil
3-mart
“Bunyodkor” (O‘zbekiston) — “Persipolis” (Eron) 0:1
17-mart
“Bunyodkor” (O‘zbekiston) — “Lahviya” (Qatar) 0:1
22-aprel
“Bunyodkor” (O‘zbekiston) — “An-Nassr” (Saudiya) 0:1
2016-yil
1-mart
“Bunyodkor” (O‘zbekiston) — “An-Nassr” (Saudiya) 0:1
16-mart
“Bunyodkor” (O‘zbekiston) — “Zob Ohan” (Eron) 0:0
20-aprel
“Bunyodkor” (O‘zbekiston) — “Lahviya” (Qatar) 0:2
4-may
“Lokomotiv” (O‘zbekiston) — “An-Nasr” (BAA) 0:0
24-may
“Lokomotiv” (O‘zbekiston) — “Al-Hilol” (Saudiya) 2:1
Batafsil | Подробно | Read more... Daryo